Ramaphosa gekap oor getuienis voor Zondo

Pres. Cyril Ramaphosa tydens sy getuienis voor die Zondo-kommissie. (Foto: Themba Hadebe/POOL/AFP)

“Dit was baie duidelik dat die president die bal na die kantlyn toe geskop het.”

Só het John Steenhuisen, DA-leier, gesê in reaksie op pres. Cyril Ramaphosa se getuienis as ANC-president voor die Zondo-kommissie.

Ramaphosa het dikwels in breë of vae trekke geantwoord, maar wel toegegee dat “dinge verskriklik skeefgeloop het”. Hy is onder meer uitgevra oor die ANC se beleid rakende kaderontplooiing en die party se ontplooiingskomitee, waarvan hy die voorsitter was.

Volgens Steenhuisen wou Ramaphosa nie erken hoe vernietigend kaderontplooiing is nie terwyl dit ʼn hele reeks “verskriklike aanstellings” in die staatsdiens tot gevolg gehad het, soos Dudu Myeni, Ben Ngubane en Brian Molefe.

“Al dié mense het groot skade veroorsaak en die mense van Suid-Afrika van geleenthede beroof.”

Dit is baie duidelik dat Ramaphosa geen voorneme het om die ANC van die “verskriklike beleid” te laat wegstap nie.

Dr. Pieter Groenewald, VF Plus-leier, het gesê Ramaphosa se getuienis het die partye se deurlopende standpunt dat regstellende aksie (RA) nie aanvaarbaar is nie en afgeskaf moet word, bevestig.

“RA is nie gegrond op meriete nie en al oplossing om die staatsdiens reg te ruk, is om meriete die enigste kriterium met aanstellings te maak. Die beste mense moet aangestel word om die werk te doen, ongeag hul velkleur.”

Ramaphosa het in sy getuienis gesê die wetgewing oor die finansiering van politieke partye gaan deursigtigheid verseker. ʼn Beperking op die bedrag geld wat geskenk mag word, gaan ook beteken ʼn entiteit het nie oorweldigende beheer oor ʼn party nie.

Dr. Pieter Groenewald. (Foto: Siyabulela Duda/GCIS)

“Dit help nie om nou dié wet voor te hou as voorsorgmaatreël vir deursigtigheid nie. Die wysiging aan die wet is onlangs eers gedoen en grootliks as inisiatief van die VF Plus.

“Korrupsie ontstaan nie bloot weens kaderontplooiing nie. Swart ekonomiese bemagtiging (SEB) is instrumenteel daarin om geleenthede vir korrupsie deur tenderbedrog te skep. Staatsondernemings word deel gemaak hiervan deur opgeblase tenders te aanvaar onder die dekmantel van die bevordering van SEB.”

Groenewald meen die Zondo-kommissie behoort die klem te laat val op die toepassing van SEB waar talle voorbeelde van dié soort stroping is soos Eskom se aankoop van buisligte teen R900 elk wat skaars R63 by ʼn hardewarewinkel sou kos.

“ʼn Liter melk is aangekoop teen R56, besems teen R280 000 elk en vele meer. Dit is blatante misbruik van SEB en openlike bedrog onder die dekmantel daarvan. Die Zondo-kommissie sal harde vrae hieroor moet vra indien hy ernstig is om korrupsie te bestry.”

Ramaphosa hervat sy getuienis Donderdagoggend.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

26 Kommentare

jongste oudste gewildste
Fedup

So, jellyfish basically blamed his little friends and apartheid for all that went wrong since 1994?
He sulked and expected pity for blabbing.
Basically told his people “not to vote for the anc.”
He expect fools to believe him.
Honestly.

Robert

Enigiets wat die ANC aanraak eindig in ‘n gemors

Persheks Adri

Begin sommer om jou regstellende aksie te STOP Cyril! Julle kan eenvoudig nie die land regeer nie verstaan jy dit?

Manie

Onthou, Ramaphosa is ‘n geswore kommunis en sal nooit iets anders wees nie. Hy is nie die ridder op ‘n witperd nie en sal nooit van die kommunistiese ideologie afwyk nie. Hy weet hoe om vrae te antwoord, sonder dat dat dit veel sê.

Blikkies

Nog nooit hierdie ou vertrou nie , en sal ook nie.