Ramaphosa het ‘morele verpligting’ oor plaasmoorde

President Cyril Ramaphosa (Foto: Kopano Tlape/GCIS)

President Cyril Ramaphosa is onder ’n morele verpligting om ’n sterk openbare standpunt teen plaasmoorde te neem, juis vanweë die feit dat hy die bestaan van die krisis vroeër op ’n internasionale platform ontken het.

Dít is die reaksie van AfriForum nadat Khusela Diko, die president se woordvoerder, gister aan die media gesê het dat die president hom spesifiek nié oor plaasmoorde gaan uitspreek nie, omdat dit die verantwoordelikheid van die polisie is.

Ernst Roets, adjunk- uitvoerende hoof van AfriForum, sê dat die president se verskoning glad nie sin maak nie. “Die president het hom al voorheen oor plaasmoorde uitgespreek. Toe hy dit gedoen het, het hy gesê dat daar geen plaasmoorde in Suid-Afrika is nie. Nou dat hy met die syfers gekonfronteer word, is sy antwoord dat dit nie sy plek is om hom daaroor uit te spreek nie en dat hy eerder gaan swyg. Dit is beledigend, om dit lig te stel.”

Roets het verwys na Ramaphosa se besoek aan die VSA in September 2018 en sy uitspraak op die 26ste van dié maand, tydens ’n media-onderhoud met Bloomberg, dat daar geen plaasmoorde en geen grondgrype in Suid-Afrika is nie. AfriForum het Dinsdag die jongste statistiek vir plaasaanvalle en -moorde sedert die begin van 2019 tot en met die einde van Mei uitgereik. In hierdie tydperk kon AfriForum 184 plaasaanvalle en 20 plaasmoorde staaf.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

51 Kommentare

jongste oudste gewildste
Jc

En net nou die dag het hy in die Kaap gesê hy sal alles doen om wit boere in die land te hou. Nou wat nou Mr die president?

Haan

Plaasmoorde is niks anders as die ANC se plan van die begin af nie. Waarom sal die ANC se leier nou van die plan afwyk?

https://www.politicsweb.co.za/opinion/the-origins-of-south-africas-farm-murder-epidemic

Jc

En net nou die dag het hy in die Kaap gesê hy sal alles doen om wit boere in die land te hou. Nou wat nou Mr die president?
Nou is dit nie meer jou probleem nie maar die van die onbekwame polisie se werk. Geweet jy maak stellings wat jy nie kan nakom nie.

Jopie

Stil bly is ook ‘n antwoord. Dankie cr nou het jy weer vir ons sekerheid gegee oor hoeveel jy en die anc vir boere in ons land voel. NIKS, nie eers n woord nie.

GR

Verseker is dit ‘n regering se plig en verantwoordelikheid om landsburgers te beveilig buiten as dit ‘n ANC regering is.
Waar is die DA en VF+ partye wat nou die dag so gat gekruip het vir stemme hoor jy Musi nou iets se? O nee. VF+ ?????