Ramaphosa kry Dinsdag eerste deel van staatskapingverslag

Waarnemende hoofregter Raymond Zondo. (Foto: Karen Sandison/ANA)

Pres. Cyril Ramaphosa sal Dinsdag die eerste gedeelte van die langverwagte verslag oor staatskaping ontvang.

Waarnemende hoofregter Raymond Zondo, voorsitter van die kommissie, sal die oorhandiging van die verslag môremiddag by die Uniegebou in Pretoria doen.

Meer as 330 getuies het oor ʼn tydperk van drie jaar voor die kommissie, wat in 2018 met sy werk begin het, getuig. Die kommissie het verlede maand opnuut gevra vir uitstel van die spertyd waarteen die verslag ingedien moet word en het onderneem om dit in drie dele aan die president te oorhandig.

Volgens die presidensie word die eerste gedeelte môre oorhandig, gevolg deur die tweede gedeelte teen die einde van dié maand, en die laaste gedeelte – die finale verslag – teen die einde van Februarie vanjaar.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

24 Kommentare

jongste oudste gewildste
Andre

En hy gaan niks doen want hy is deel van dit.
Wat n mors van belasting betalers se geld en tyd.

john

yip en niks gaan gebeur nie want die heele ANC is betrokke

Misky

En nou gaan dit Ramamparra 2 jaar neem om dit deur te lees en ‘n kommissie word aangestel om die inhoud aan hom te verduidelik

Johann

En? Dan het hy ses maande om deur die ziljoene bladsye te blaai…net om NIKS te doen nie! Mors van tyd en geld

Kokerboom

Die verslag, indien goed opgestel, sal toon of die President die toets van die tyd kan deurstaan!