Ramaphosa lewer staatsrede in Kaapstad

Staatsrede 2019 (Foto: Chantall Presence/ANA)

President Cyril Ramaphosa het by die parlement in Kaapstad aangekom om sy tweede staatsrede te lewer.

Ramaphosa en sy vrou, Tshepo, is Donderdagaand kort voor 19:00 deur speaker Baleka Mbete verwelkom en gegroet deur ʼn saluut van 21 skote en ʼn verbyvlug deur die Suid-Afrikaanse Lugmag.

Ramaphosa het sy toespraak op ‘n humoristiese noot begin en ‘n staaltjie vertel dat hy en Julius Malema, leier van die Ekonomiese Vryheidsvegters, saam ‘n liedjie sal sing as die EFF die verkiesing in 2019 sou wen. Malema wou Ramaphosa glo tydens sy eerste staatsrede oorreed om Hugh Masekela se bekende lied, “Thuma Mina”, te sing. “Ek het toevallig ook met [leier van die Demokratiese Alliansie] Mmusi Maimane gesels en hom genooi om by ons musiekgroep aan te sluit. As die EFF wen, dan sal ons vir hom sing.”

Die EFF het vroeër gedreig om die vergadering in ʼn vraag-en-antwoord-sessie te verander en te eis dat Ramaphosa antwoorde gee oor sy beweerde betrokkenheid by Bosasa-ongerymdhede. Ramaphosa het na bewering R500 000 van die maatskappy ontvang tydens sy veldtog om as president van die ANC verkies te word.

ʼn Tweede staatsrede vir 2019 sal volg ná die algemene verkiesing vanjaar.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

16 Kommentare

jongste oudste gewildste
humor

Aaaag nouja………..

Andre Stander

Goed om te sien die weermag het nog 21 patrone om te vuur, en skynbaar vliegtuie (diensbaar en met brandstof) vir verbyvlugte…

Jacques

Ek sien Sisulu het ‘n nuwe kapsel. Die een lyk nie so deurmekaar soos die voriges nie.
Afgesien van die ou mense wat sit en slaap het, was daar nie veel meer om oor te kommentaar nie. Ek moet erken, ek moes myself deur die vervelige toespraak knyp om oe oop te hou.

Donderstorm

Hy praat so amper of hy almal in die land insluit maar ons weet van beter en hy noem nie eens hoerskool direhoek nie en wat gebeur het n tragedie is nie hy se ons wel hy gaan ons nog meer tax ons is nie goed genoeg nie maar ons geld is hy sing n mooi liedjie vir sy kiesers.

nabetragting

‘n Baie goeie en ‘n dinamiese toekomsvisie, maar ‘n paar drastiese aanpassings in die samestelling van die komitees wat hom moet adviseur is van kardinale belang.

Die enigste maatstaf by die samestelling van die komitees moet wees dat net die beste, betroubaarste en mense van integriteit en kennis aangestel word om hierdie visie vir SA te laat realiseer. Rassekotas moet op alle terreine verban word.