‘Ramaphosa moet amptelik praat oor plaasaanvalle’

Stefan Smit is Sondag, 2 Junie 2019, op die Louiesenhof-wynlandgoed vermoor.

TLU SA het Woensdag gesê hy wag steeds op ʼn amptelike verklaring van pres. Cyril Ramaphosa oor die vlaag plaasaanvalle waaronder die land gebuk gaan.

Dit kom nadat vandeesweek berig is dat Ramaphosa aan Dan Kriek, president van Agri SA, gesê het hy wil op hoogte bly van plaasaanvalle. “Ongelukkig bly dit ʼn uitlating tydens ʼn privaat gesprek tussen die president en ʼn individu en nie ʼn amptelike verklaring nie,” sê Bertus van der Westhuizen, voorsitter van TLU SA in die Vrystaat.

“Mnr. Kriek is nie die president se amptelike woordvoerder nie. Slegs ʼn openbare en amptelike verklaring vanuit die kantoor van die president of direk van hom af, sal vir ons aanvaarbaar wees.”

TLU SA het die afgelope maand ʼn ope brief aan die president gerig en daarin onder meer versoek dat hy ʼn verklaring uitreik waar hy misdaad en spesifiek plaasaanvalle, veroordeel. “Dit het nog nie gebeur nie,” sê Van der Westhuizen.

“Solank [Ramaphosa] huiwer om in die openbaar standpunt in te neem waar hy hierdie brutale misdade summier veroordeel, bly ons negatief teenoor sy en die regering se gesindheid oor plaasaanvalle, moorde en misdaad in die algemeen.”

Volgens Van der Westhuizen is dit nodig dat Ramaphosa ʼn amptelike standpunt oor die kwessie inneem sodat hy aan sy voornemens en beloftes gemeet kan word.

“Boere, en die publiek in die breë, is op die oomblik so kwesbaar soos ʼn duif op ʼn telefoonpaal. As president behoort mnr. Ramaphosa in die belang van die land sy staatsmanskap te openbaar deur hom sterk uit te spreek oor die misdaadsituasie,” sê Van der Westhuizen.

“Baie dankie mnr. Kriek vir jou goeie bedoelings, maar dit is nie hoe ons by TLU SA deur die president ingelig wil word nie. Slegs ʼn openbare verklaring deur die amptelike kanale van die president of sy kantoor, sal vir ons aanvaarbaar wees.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

35 Kommentare

jongste oudste gewildste
Budgie

Die Slagter van Marikana lag vir ons. Hy het nooit en sal nooit iets sê. Die verkiesing is verby ook nou, so hoekom sal hy iets wil sê?

John

… is hy nie? En my selfoon is dan nou spesiaal op die kriek-kriek-luitoon ingestel. Wow.
RC wil op die hoogte bly van plaasaanvalle. Is die berg nie al hoog genoeg nie?
Niks word ook gesè oor grondgrype; waarskuwings gerig nie. Die prez is duidelik die handewas-tipe… soos ou Pilatus met sy bak vol vuil water en baie duur steentjies lekker-ruik-sepies.

Frm

Hy wilmaar net weet of dit nog volgens plan verloop want hy moet begin ontein en daar is nog teeds te veel teenkanting.

Docpietza

Hy sal miskien sê wat ons wil hoor en dan gaan niks verder gedoen word nie. Dis al 25 jr so gedoen deur voorgangers.

piet piet

Wanneer erken die president dat diskriminasie teen minderhede is verkeerd en skrap die wette want ek het nie vertroue of respek vir n Presedent wat teen my diskrimineer nie.