Ramaphosa onderneem om hele SA te dien – nie net ANC nie

President Cyril Ramaphosa (Foto: Kopano Tlape/GCIS)

Pres. Cyril Ramaphosa het in sy eerste toespraak Woensdagmiddag ná hy onbestrede as president deur die Nasionale Vergadering verkies is, beloof om ‘n president namens alle Suid-Afrikaners te wees – nie net namens die ANC nie.

Ramaphosa het hom daartoe verbind om hoop te laat herleef en om die instellings van die land te herbou. Hy het gesê dit gaan nie maklik wees nie, maar hy is verbind daartoe. Hy het toegegee dat daar meningsverskille in die parlement sal wees, maar dat dit nie so chaoties sal wees soos die parlement in die onlangse verlede al was nie.

Ramaphosa het hom en sy kabinet (wat hy nog moet aanwys) daartoe verbind om saam te werk met die parlement om die land ekonomies en maatskaplik te hervorm tot die algemene voordeel. Hy het hoofregter Mogoeng Mogoeng daarvoor bedank dat hy vir die land en die parlement gebid het.

Ramaphosa het opposisieleiers elkeen by name bedank vir hul gelukwensing, en hom tot nasiebou en raadpleging verbind – ook met opposisieleiers. “Samewerking is my tweede naam,” het Ramaphosa gesê. “Soos Madiba sal ek met die gewone mense, die konings en die nyweraars saam stap om almal in die land se belange te dien.”

Hy het by die leier van die VF Plus, dr. Pieter Groenewald aangesluit dat die land gebou moet word – maar gemaan dat die verlede ook reggestel moet word.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

37 Kommentare

jongste oudste gewildste
Ellisras

Zuma het ons ook die son maan en die sterre belowe. En raai wat het ons gekry. Almal lê ‘n amps eed af. En daar kom niks van dit nie.

Willem Grobler

Cyril en die ANC gaan die verlede “regstel” totdat ons nie meer ‘n toekoms het nie en hulle is byna, byna daar. Ek wil graag sien hoe hulle Eskom en Prasa red sonder om ons almal bankrot te maak.

Bibi

Yea Right

Archie

Verlede moet reggestel word? Dit is altyd die probleem ……… niks kan aan die verlede verander nie. Kyk vorentoe en bou!!

Gert van Wierdapark

Wonder wanneer het hy die tweede naam van “Same-werking” gekry waarna pres CR verwys? Dit sal wonderlike wees as hy daarby gaan hou om as pres. vir die hele SA te werk, en nie net vir die ANC nie. Die spreekwoord lui mos:”Sien is Glo”!