‘Ramaphosa oneerlik oor onteiening sonder vergoeding’

President Cyril Ramaphosa
(Oktober 2018) Foto: Kopano Tlape/GCIS

President Cyril Ramaphosa mislei Suid-Afrika deur voor te gee dat onteiening sonder vergoeding noodsaaklik is om grondhervorming te laat slaag, sê die VF Plus.

Maroela Media het berig ʼn verslag van die spesiale ondersoekeenheid (SOE) omvangryke bedrog en korrupsie in die grondhervomingsproses uit. Een voorbeeld is waar 58 plase deur korrupsie en bedrog verkry is sonder dat daar enige ware eisers of bevoordeldes was. Die waarde van die plase beloop na raming sowat R150 miljoen.

“Die feit dat die SOE-verslag na bewering reeds elf maande op die president se tafel lê, dien as bewys dat hy bewus was van die korrupsie en bedrog, maar nogtans voortgaan met onteiening sonder vergoeding, wel wetende wat die ware probleem met grondhervoming is,” het Pieter Groenewald, leier van die party, in ʼn verklaring gesê.

“Die VF Plus het lank reeds gesê die oorsake van die stadige pas van grondhervorming in Suid-Afrika is korrupsie en bedrog. Indien grondhervorming korrek toegepas was met die beginsel van gewillige koper, gewillige verkoper sonder korrupte amptenare, sou die program kon slaag.

“Pres. Ramaphosa se argument dat onteiening sonder vergoeding nodig is om grondhervorming te versnel, is duidelik net ʼn foefie om ʼn rede te vind om grond in Suid-Afrika te nasionaliseer. Die VF Plus dring daarop aan dat die president die verslag onmiddellik beskikbaar stel en onteiening sonder vergoeding van die tafel vee.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

19 Kommentare

jongste oudste gewildste
Ai ja jai

Wat het julle vir een oomblik laat dink dat Ramaposa eerlik is? Die Bosasa skenkings? Sy gladde mond? Hy is groter gif as sy voorganger. Dink maar hoeveel plase gaan hy gratis en verniet sy gulsige hande op le, kyk maar. Hy en sy familie

waarheid1

Hy is die grootste leuenaar nog!

Dienkie

En ons het gedink Zuma is erg.

Johan

Hierdie tipe bedrog moet soos die Bossasa wyd in die media gedeel word…..hoekom lees ons nie dit in die koerante en op die nuus nie……ek dink die VF + plus moet die wyd deur die media verspry en seker maak dit kry baie aandag….dit is net so in n erenstige lig soos die Bossasa ding…….

Therese van Schalkwyk

En dan hang internasionale gehore en joernaliste aan ‘New Dawn’ Ramaphosa se lippe wanneer hy met ‘n sedige gesig vertel hoe die eerbare ANC jare se ongeregtigheid met grondonteiening gaan en móét regstel.
Weet staatshoofde werklik nie van beter nie? Of is hulle bloot só polities korrek en ruggraatloos dat die ANC toegelaat word om weg te kom met hierdie blatante leuens en korrupsie?
Brittanje veral stel teleur, met ondervinding van dieselfde storie in die destydse Rhodesië.
G’n wonder dat die wêreld in sy kanon is nie, want van egte staatsmanskap is daar geen sprake meer nie.