Ramaphosa ontken vergadering met Chinese oor ekonomie, politiek

Adjunkpres. Cyril Ramaphosa. Foto: GCIS

Adjunkpres. Cyril Ramaphosa. Foto: GCIS

Adj.pres. Cyril Ramaphosa het Sondag ontken dat hy met Chinese regeringsbeamptes byeengekom het weens hul kommer oor ekonomiese en politieke stabiliteit in Suid-Afrika.

Ronnie Mamoepa, Ramaphosa se woordvoerder, het gesê die berigte wat beweer dat Ramaphosa met beamptes van die Chinese Kommunistiese Party vergader het oor ekonomiese en politieke stabiliteit in Suid-Afrika, is vals.

Volgens Mamoepa het Zhu Xiaodan, goewerneur van die Guandong-provinsie, Vrydag vir Ramaphosa in Johannesburg ontmoet. Mamoepa het gesê die besoek was om die bestaande bilaterale verhoudinge tussen Suid-Afrika en China te konsolideer.

Mamoepa het gesê daar is spesifiek gefokus op ʼn ooreenkoms tussen Guandong en KwaZulu-Natal om samewerking in ʼn aantal sektore te verbeter.

“Die bewering dat ʼn Chinese afvaardiging verwikkelinge in Suid-Afrika ter sprake gebring het, is geheel en al verkeerd. Dit spruit moontlik daaruit dat die vergadering dieselfde dag saamgeval het met verskeie ander vergaderings oor die ekonomie.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

16 Kommentare

jongste oudste gewildste
Suzie

Ag bog man, hulle besit al hoeveel van ons myne en konstruksie maatskappye want hulle gebruik hulle eie mense wat baie min betaal word. Dis net soos die Pakistaners, deesdae vat hulle al die kafee’s oor, kyk net ‘n bietjie. Hulle kom met miljoen in die land, gee vir die ANC hulle gedeelte en maak dan beisghede oop. Die ANC het ons land al lankal verkoop.

Jan Koos Willemse

Ontken eers en lieg dan later net oor die details as die ontkenning nie meer werk nie?

KarooKlong

Rampi gaan ook later soos zumpi uit verskonings uit hardloop.

Kobus

Waar n rokie trek is n vuurjie

Ouma mix

Ja rampie lieg nes zumpie