Ramaphosa oor Eskom: ‘Pensioenfondse moet nie bang wees’

Pres. Cyril Ramaphosa. Foto: Jairus Mmutle/GCIS

Pres. Cyril Ramaphosa het gesê pensioenfondse in die private sektor moet ook hul geld in Eskom belê.

“Ons sal daarvan hou as die private sektor ook hul geld in Eskom belê. Hul vertroue moet natuurlik opgebou word soos ons verder gaan, en ons gaan hul vertroue opbou,” het Ramaphosa Dinsdag aan die media gesê.

“Mense is besig om standpunte en gedagtes uit te ruil. Op die oog af sal enigiemand bekommerd wees dat ons hul pensioengeld in ʼn verliesmakende instansie gaan plaas en dat al die pensioene verlore sal gaan,” het hy gesê.

Ramaphosa het egter aangevoer dat die voorstel gegrond is op ʼn Eskom wat hervorm, geherstruktureer en herbou is en ʼn Eskom wat korrupsievry is.

“Ons gaan kyk na ʼn opgeknapte Eskom, ʼn Eskom wat weer na beleggingsgraad teruggebring is en daarom glo ek dat pensioenfondse nie moet bang wees nie.”

Hy het gesê die regering het nog nie ʼn besluit geneem of hy die GEPF-belegging in Eskom sal waarborg nie.

Tito Mboweni, minister van finansies, het ook in sy begrotingsrede gesê dit is ’n blink idee om van Eskom se skuld met geld van die Openbare Beleggingskorporasie (OBK) te delg. Dié maatreëls behoort egter ook vir die private sektor te geld, het gesê.

Dit volg nadat Cosatu onlangs ʼn plan voorgestel het om Eskom uit sy finansiële verknorsing te help. Dié plan behels dat die OBK R245 miljard van Eskom se skuld moet oorneem. Dit beteken dat werkers in die staatsdiens se pensioen as reddingsboei vir Eskom aangebied moet word.

Cosatu sal Woensdag sy voorstel aan die portefeuljekomitee oor openbare ondernemings in die parlement ter tafel lê. Cosatu glo dat 44 000 werkgeleenthede verlore sal gaan en die werkers se pensioene vernietig sal word as Eskom nie gered word nie.

Dr. Dirk Hermann, bestuurshoof van Solidariteit.

Solidariteit het Dinsdag ʼn blitsberaad gehou oor die aangeleentheid waartydens daar opsies bespreek is om die kaping van pensioengeld te keer.

Dr. Dirk Hermann, bestuurshoof van Solidariteit, het vroeër gesê die uitlatings rakende pensioenfondse en Eskom is roekeloos.

“Dit veroorsaak paniek onder alle werkers wat nie gaan toekyk hoe hul spaargeld in wanbestuurde staatsinstellings gegooi word nie. Daar is geen verantwoordbaarheid nie en die maklike opsie is nou pensioene.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

31 Kommentare

jongste oudste gewildste
twaalfboor

Die ANC het nog nooit iets gedoen wat betrouenswaardig is nie. Hoekom moet ons enigsins IETS glo wat hulle sê?

Werner

Wel as ons sien hoe die geleende geld verdwyn sonder dat dit by die instansies uitkom waarvoor dit geleen word behalwe die soustrein sou ek se ons moet baie bekommerd wees want hulle gaan nooit die geld vervang wat hulle gaan vat nie en dit gaan alles wees

Marthinus Johannes

CR jy en jou regering/trawante leef in n gekke paradys, Eskom (net soos SAL) ontvang vir hie lank nou al fin hulp en steeds bly hul korrup en bankrot. Rede is due geld word steeds bestee op Sen. Bestuur ( dis waar die te veel mense is wat nie daar hoort nie, familie en vriende) se sallarisse en bonisse en daar waar die geld aangewend moet word soos opknappings en onderhoud word ge-ignoreer. WORD WAKKER ASB EN BEGIN BREINS KRY.

Nell

Wees bang, wees baie bang! Die soustrein stoom voort – sonder brieke met ons pensioene in die vooruitsig.

Strandloper

Stadig met daai lagtwak asb almal is nie van hul sinne beroof nie!