Ramaphosa oor moorde op wit boere

Foto: Reint Dykema

Pres. Cyril Ramaphosa het toegegee dat wit boere in Suid-Afrika vermoor word nadat die leier van die VF Plus, dr. Pieter Groenewald, hom vanmiddag in die parlement daaroor gekonfronteer het.

Dit volg op Ramaphosa se stellings vroeër vanjaar in die VSA dat wit boere nie in Suid-Afrika vermoor word nie.

Ramaphosa het vanmiddag daarop aangedring om sy stellings te verduidelik, maar geweier om om verskoning te vra vir sy stellings in Amerika, soos wat Groenewald versoek het.

Ramaphosa het geantwoord dat hy spesifiek gereageer het op ʼn twiet van die Amerikaanse president, Donald Trump, wat slegs verwys het na wit boere wat vermoor word.

“Ek dink nie ek is korrek verstaan nie. Swart én wit inwoners van plase word vermoor, en ek het reeds persoonlik wit en swart gesinne gebel wat sulke tragedies moes hanteer.

“Dit is nie net wit mense wat vermoor word nie en die kwessie moet nierassig benader word. Ek sal dit nie parogiaal benader nie,” het Ramaphosa gesê.

Ramaphosa se uitlatings vroeër vanjaar het heftige reaksie uitgelok. Ian Cameron, hoof van gemeenskapsveiligheid by AfriForum, het onder meer gesê Ramaphosa se “blatante leuens aan die wêreld” neig daartoe dat die Suid-Afrikaanse regering aandadig is aan plaasmoorde en dat die ANC-regering slagoffers van plaasaanvalle en -moorde verneder deur hulle as leuenaars uit te maak.

Agri SA het in ʼn verklaring gesê hy is ontevrede met Ramaphosa se stelling. “Plaasaanvalle en -moorde op alle boere, plaaswerkers en hul gesinne is ʼn reuseprobleem wat erken moet word,” het Dan Kriek, president van Agri SA, gesê.

Groenewald het Ramaphosa se uitlating destyds as “oneerlik en ʼn blatante leuen” bestempel en gesê dis ʼn jammerlike poging om die buiteland hieroor ʼn rat voor die oë te draai.

Louis Meintjies, president van TLU SA, het gesê die waarheid word doelbewus verdoesel. Jaco Schoeman, voorsitter van die Afrikanerbond, het gesê die organisasie het met werklike ontsteltenis verneem van Ramaphosa se ontkenning van plaasmoorde.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

25 Kommentare

jongste oudste gewildste
hannelie

Dit help nie hy bel die gesinne persoonlik nie! Hy moet die moorde STOP, deur strenger maatreëls in plek te stel. Wat is daar nie om te verstaan nie? Ons land gaan agteruit en dit help nie mens probeer dit toesmeer nie, daar moet iets daaromtrent gedoen word. Hoe kan mens die President vertrou as hy 2 stories praat?

Irene

Moenie Ramaphosa skuld gee vir moorde nie maat die wat dit aan hits soos eff daar aan moet hy werk

Tevergeefs

Moenie die waarheid by ‘n krimineel soek nie.

GP

Hy se net wat mense wil hoor. Onthou ons is nie sy mense nie.

Dankie VF+ dat julle die moed het om hierdie vraag te vra. Ek het nog altyd DA gestem maar volgende jaar het julle verseker my stem.

Nettie

Donald Trump twiet: “White farmers get murdered in SA”.
Cyril Ramaphosa sê: “NO!!!! There are no murders on white farmers in SA”.

Pieter Groenewald sê: “You said there are no murders on white farmers in SA”
Cyril Ramaphosa sê: “NO, I did not say there are no murders on white farmers in SA”

Die video opname wat wyd en syd gedeel is, LIEG NIE, mnr. Ramaparra!