Ramaphosa praat in Kanada oor belegging en grondhervorming in SA

Cyril Ramaphosa. Foto: Flickr/GovernmentZA

Die wêreldwye ekonomie toon tekens van herstel en verbeterde groei, maar bly kwesbaar met ʼn wêreldwye handelsoorlog wat dreig; ʼn terugkeer na proteksionisme; en die verswakking van die multilaterale reëls-gebaseerde internasionale handelstelsel, maar Suid-Afrika beskou Kanada as ʼn strategiese vennoot om dié uitdagings te oorkom, het pres. Cyril Ramaphosa het tydens die G7-leiersberaad gesê.

“ʼn Nuwe dag het in Suid-Afrika aangebreek, ʼn nuwe era waar ons ekonomie die middelpunt is. Sakevertroue en beleggersentiment verbeter. Die regering werk aan ʼn dinamiese sakeomgewing wat groter produktiewe belegging sal bevorder,” het Ramaphosa in ʼn toespraak gesê.

“Suid-Afrika stel maatreëls in plek om die ekonomie op ʼn nuwe pad van groei, werkskepping en transformasie te bring. Ons beweeg vinnig om geloofwaardigheid te herstel, die regering te verbeter en omkeerstrategieë te implementeer by Suid-Afrika se staatsbeheerde ondernemings.”

Ramaphosa het Vrydag in Toronto aangekom. Hy neem deel aan die G7-leiersberaad in Québec onder die tema “Gesonde, produktiewe en weerstandige oseane en seë, kuslyne en gemeenskappe”.

Hy het gesê Suid-Afrika kyk na Kanada as ʼn belangrike beleggingsbron, vennoot, en samewerking in die mynboubedryf.

“Ons doel is om die ekonomiese potensiaal van ons land te ontsluit, wat dekades lank beperk is as gevolg van rasseuitsluitingsbeleide. Swart Suid-Afrikaners is generasies lank van geleenthede ontneem om bates te besit, ondernemings op die been te bring, vaardighede aan te leer en beroepe te betree,” het hy gesê.

“Nêrens was dit duideliker as in die patrone van eienaarskap en grondgebruik nie. Die uiterste konsentrasie van grondeienaarskap is een van die struikelblokke om die land se potensiaal te realiseer. Ons het ʼn besluit geneem om grondhervorming te bespoedig, insluitend grondverdeling en om verblyfreg vir landelike armes te verseker.

“Dit moet deur ʼn reeks maatreëls geskied, wat, binne toepaslike omstandighede, grondonteiening sonder vergoeding insluit. Ons is vasbeslote dat dit moet geskied op ʼn manier wat met ons Grondwet ooreenstem, en landbouvervaardiging, voedselsekuriteit bevorder en ekonomiese ontwikkeling bevorder.”

Ramaphosa het gesê Suid-Afrika is oortuig dat die grondhervormingsprogram die land se ekonomiese kapasiteit sal verhoog en die land se beeld as ʼn beleggingsbestemming verbeter.

“Ons beleggingswetgewing bied beduidende waarborge vir plaaslike en internasionale beleggers. Suid-Afrika het ʼn aantal aantreklike sektore soos mynbou, olie en gas, skeepsbou, agro-vervaardiging, gevorderde materiale, innovasie en tegnologie, en toerisme en finansiële dienste, onder andere.”

Ramaphosa het gesê die jongste ekonomiese groeisyfers vir die eerste kwartaal van 2018 wys dat die mynbou-, landbou- en vervaardigingsektore onder druk bly. Hy het bygevoeg die syfers vir die diensbedrywe bly weerstandig. Hy het gesê dit wys dat groter en meer volhoubare groei beslissende maatreëls vereis om die strukturele uitdagings in ons ekonomie aan te spreek.

“Ons het daarom beduidend in ons opleiding- en vaardigheidsontwikkelingprogramme belê, en ons gebruik ons mededingingsbeleide om geleenthede te skep vir persone wat die mark betree, deur die koste van ondernemings te verminder en ekonomiese infrastruktuur te ontwikkel.

“Die regering werk dringend daaraan om die ekonomie tot ʼn meer volhoubare groeitrajekte lei en om Suid-Afrika tot beleggingsgraadstatus te herstel. Die regering, privaat sektor, arbeid en burgerlike organisasies werk saam om werk te skep, veral vir jong Suid-afrikaners. Ons werk om beduidend die vlakke van vaste beleggings in die ekonomie te verhoog.”

Hy het gesê Suid-Afrika is op ʼn nuwe pad van groei en vernuwing. Hy het bygevoeg die land werk hard om die beperkings te verwyder wat dit teruggehou het en om nuwe groeigeleenthede te skep.

“Suid-Afrika is oop vir besigheid. Ons verwag ʼn nuwe golf van belegging in ons ekonomie en in ons streek oor die volgende paar jaar. Ons moedig Kanadese maatskappye aan om by dié golf aan te sluit en om die vrugte te pluk om in ʼn land en ʼn kontinent te bly wat besig is om te groei.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

74 Kommentare

jongste oudste gewildste
Pop

Vertel ook asb vir hulle dat dit die gevaarlikste land is en kriminele die oorhand het.

Niks van . . .

Niks van SA se (te)regstellende aksie, swart bemagtiging, minimum lone? Het Kanada ook paddas . . . ?

Jokkie

Hy jok, swartmense was vir dekades lank aangemoedig om eie besighede en plase te ontwikkel in die tuislande met groot geldelike hulp van ons. Nou wil ons ook vra vir n eie tuisland, so gunstig was dit.

Anoniem

As ek die uittreksels uit sy toespraak lees, is dit moeilik om te glo hy praat van SA.

Hertzog

Kom ons kyk hoe die liberaliste ou Cyril se voete soen . Mos klaar vergeet van Zimbabwe