Ramaphosa reageer dán op drankverbod

Pres. Cyril Ramaphosa. (Foto: Presidensie/Twitter)

Pres. Cyril Ramaphosa het gesê hy sal teen die einde van die week op die Gautengse Drankforum se griefskrif rakende die drankverbod tydens die afsonderingstydperk reageer.

Die staatsprokureur het in ʼn verklaring gesê Ramaphosa, die nasionale bevelraad en ander rolspelers vergader weer die week om spesifiek te praat oor die regering se program vir ekonomiese bystand.

Die staatsprokureur voer verder aan dat die uitkomste van die vergadering heel moontlik ʼn invloed sal hê op die kwessies wat deur die forum geopper is. Ramaphosa het dus uitstel tot Vrydag gevra om op die griefskrif te reageer.

Die Gautengse Drankforum het oor die naweek ʼn griefskrif aan Ramaphosa gestuur rakende die drankverbod tydens die afsonderingstydperk en het die president aanvanklik tot Dinsdag gegee om daarop te reageer.

Volgens die forum tree hy namens nagenoeg 20 000 kleinsakeondernemings, hoofsaaklik sjebiens en tavernes in informele nedersettings, op. Die forum voer aan dat die drankverbod onredelik is en dat uitlatings deur senior lede van die kabinet daarop sinspeel dat die verbod eerder ander doelstellings voor oë het wat nie te doen het met die stryd teen Covid-19 nie.

Daar word verder aangevoer dat die verbod ongrondwetlik is en dat die regulasies rakende die afsonderingstydperk ingestel is sonder die nodige konsultasie. Die forum het gesê hy sal die howe nader indien nie aan sy versoek gehoor gegee word om die drankverbod ter syde te stel nie.

Die regering is ook reeds vroeër versoek om die verbod op die verkoop van sigarette tydens die afsonderingstydperk op te hef.

British American Tobacco South Africa (Batsa) het gesê die verbod het alle onbedoelde gevolge soos dat rokers buite hul woonbuurte gaan soek na winkels wat bereid is om die verbod te ignoreer.

Batsa meen die verbod sal ook onbedoeld bydra tot die onwettige handel van tabak aangesien rokers heel waarskynlik onwettige produkte gaan koop.

“Ons doen ʼn beroep op die regering om die verbod op die verkoop van sigarette op te hef en die verkoop daarvan saam met ander noodsaaklike goedere wel toe te laat.”

Wil jy op hoogte bly van alle nuus oor Covid-19 op Maroela Media? Klik hier om in te teken op ʼn daaglikse nuusbrief.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

25 Kommentare

jongste oudste gewildste
PieterP

Die probleem is dat in die shebeens en taverns geen sosiale distansieering gaan wees nie en die laaste 3 dae se syfers maak nie hulle ogies oop nie. My besigheid moet toe wees en ek werk op dakke en doen nutswerk en werk nie direk met mense nie. Wat maak hulle meer spesiaal as die res van ons? Daar is ‘n verskil tussen samedromming en werk waar niemand in gevaar is om aangesteek te word nie. Hou die drank toe want daar sal vergrype wees en ‘n hehangery aanmekaar. Die yabak verbod kan wel opgeskort word sover dit my aangaan

Abel

Die inperking word tot dusver nie baie ernstig opgeneem deur janalleman nie. Werkgewers is wel ingeperk en dit laat dit op die oog af lyk of inperking ‘n invloed het op strate. Sou drankverkope toegelaat word gaan die “partytjie” net lekkerder raak en tot voordeel van die verspreiding van die virus wees. Die land se rekord van misdaad is in elk geval so swak dat die verkoop van drank eintlik in normale omstandighede ook moet bespreek moet word. Ek weet net nie wat om te sê van diegene met alkoholisme nie alhoewel daar vir dit ook ‘n oplossing is. Siggarette… Lees meer »

Leeuwyfie

Die probleem is by die sjebeens, maar nou word almal onder dieselfde kam geskeer. Ons is nie kinders wat gestraf moet word oor ander mense se wangedrag nie. Die meerderheid van ons geniet ‘n glasie wyn/bier op sy tyd, maar nou word almal oor dieselfde kam geskeer. Dis tirannie. Die verbod op sigarette gaan my verstand te bowe. Almal wat rook weet reeds van die gevare daarvan, dis wat hulle wil doen, dit bly hul keuse. Hulle is nie meer in die strate as die mense wat gaan brood en melk koop nie.

Chris

Ek is een van die wat nie baie vir die verbod van dranverkope te vinde is nie. Ek is ‘n groot voorstander en ondersteuner wat in Spreuke 31 vers 5 – 7 staan. Die regime het met hul onderdagte dwase oorhaastige besluit ‘n dier in die land wakker gemaak wat ergere gevolge kan te weeg bring. Slegs die tyd sal leer..

Andre

Tuis brouerye gaan die regering baie belasting laat verloor. En meer mense kom agter hoeveel beter is tuisgemaakte produkte sonder al die byvoegings.