Ramaphosa se debuuttoespraak by VN oor armoede, ongelykheid

Pres. Cyril Ramaphosa en Lindiwe Sisulu, minister van internasionale betrekkinge en samewerking, by die algemene vergadering van die VN. Foto: Dirco

Pres. Cyril Ramaphosa het Dinsdag tydens die Verenigde Nasies (VN) se algemene vergadering gesê Suid-Afrika het met ʼn “omvattende dialoog oor grondhervorming” begin om die ongeregtighede en wanbalanse van die land se verlede reg te stel.

Ramaphosa het sy debuuttoespraak in die algemene vergadering in New York gelewer.

Hy het in sy toespraak wêreldleiers aangemoedig om ʼn meer verteenwoordigende, gelyke en regverdige VN daar te stel sodat kwessies soos armoede, werkloosheid en ongelykheid beter aangepak kan word.

Ramaphosa het hom beroep op die woorde van wyle oudpres. Nelson Mandela wat eens op ʼn tyd aan die jaarlikse beraad gesê het: “Die miljoene [mense] oor ons planeet wat vol verwagting by die hekke van hoop staan, kyk na hierdie organisasie om vir hulle vrede te bring, om vir hulle lewe te bring en om dit ʼn lewe te maak wat die moeite werd is om te leef.”

Ramaphosa het gesê die VN moet hom afvra of hy aan die behoeftes en verwagtinge van die “miljoene by die hekke van hoop” voldoen het. “Ons moet noodgedwonge vra watter bydrae die VN gemaak het tot ʼn meer vreedsame, meer vooruitstrewende en meer gelyke wêreld. Die VN moet word wat miljarde mense oor die wêreld wil hê dit moet wees – ʼn verteenwoordigende en waarlik demokratiese globale parlement van die mense.”

Ramaphosa het daarna na die probleme verwys wat Suid-Afrika spesifiek in die gesig staar in die lig van globale kwessies soos armoede en ongelykheid. Hy het daarop gewys dat Suid-Afrika met behulp van die VN in 1994 uiteindelik ʼn einde kon bring aan apartheid en “ʼn reis van transformasie kon aanpak om die lelike nalatenskap van apartheid aan te durf”.

“Selfs al gaan ons land deur moeilike ekonomiese tye, het ons vordering gemaak,” het Ramaphosa gesê. “Ons is besig om ons ekonomie te hervorm en skep ʼn omgewing wat bevorderlik is vir belegging en het begin met ʼn beleggingsveldtog om $100 miljard in die volgende vyf jaar te lok.”

Hy het ʼn beroep op die wêreldleiers gedoen om die belange van jongmense voorop te stel in hul pogings en om die jeug en vroue te bemagtig om meer deel te neem om die rigting van wêreldsake te bepaal. “Ons is ʼn jong wêreld waar meer as die helfte van die wêreldbevolking jonger as 30 jaar is,” het die president gesê.

“Dit is die jong mense wat die oorloë baklei wat ons begin het. Dit is vroue wat die swaarkry en laste dra van die oorloë wat hul families en lewens verwoes het. Soos ons nou hier praat, word jong lewens verloor en toekomste vernietig.”

Ramaphosa het gesê die VN moet nie net sterftes, verwoesting en menslike lyding verhoed nie, maar ook beslissend optree om te keer dat nog ʼn hele generasie onder die nadraai daarvan ly.

Hy het ook ʼn beroep gedoen dat van die wêreld se mees uitgerekte en hardnekkige dispute opgelos moet word, waaronder die Palestina-Israel-konflik en die mense van Westelike Sahara se soeke na selfbeskikking en algehele soewereiniteit.

Hy het gesê Afrika, een van die wêreld se armste kontinente, gaan voort met sy poging om onderontwikkeling, armoede en konflik te bekamp om demokratiese regerings, die oppergesag van die gereg en die bevordering van menseregte te versterk.

“Ons werk om die geluid van gewere in Afrika stil te maak teen 2020; om ʼn einde te bring aan die konflik wat die lewe van miljoene mense geëis, nog baie meer ontwortel, asook ekonomiese groei en menslike ontwikkeling ingeperk het,” het hy gesê.

“Met doeltreffende belegging in onderwys, verbeterde gesondheidsorg, goeie regering en beter ekonomiese integrasie, het Afrika die potensiaal om sy produksiekapasiteit te ontwikkel tot ʼn skaal en koers wat dermiljoene uit armoede sal lig.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

20 Kommentare

jongste oudste gewildste
Paul

Priester Ramaphosa, skuus ek is so sinies, maar dit is nou maar een maal so dat die geskiedenis het Europa aan die Wit mense toegedeel, sodat Europa eerste ontwikkel kon word, die Amerikas ontdek kon word, ander plekke, Suid Afrika ontdek kon word, dat daar ‘n handelspos gestig kon word vir seevaarders met hul handelsware op pad na die Ooste. Julle was, toe die handelspos in die Kaap bedryf is, nog erns op pad van die noorde af. Die wit mense het nie grond van julle afgevat nie, julle sal dit nie weet nie, wat julle was nooit in die… Lees meer »

Ag asb tog

AG JULLE SAL OP ONGELYKHEID TOKKEL TOT IN EWIGHEID, die feit dat daar al duisende swartmense is wat HEERLIK leef, sal julle bly konsentreer op de 2% wittes wat ‘beter’ leef … siek land hierdie .. en JY het nie die oplossings nie . glo my . die maklikste is en was nog altyd om APARTHEID en ONGELYKHEID te blameer . julle verskonings hardloop nou uit …

Tertia Human

Cyril vertel my hoe wil jy grond hervorming gelykheid maak? ons is 1 teen 1000 van julle? hoe maak jy daai som? waar is al die plase wat grondeise op gehad het en terug is na die regering ? waarom word dit nie aan minder bevoorregtes gegee nie? maar wat jy verniet kry en nie voor gewerk het nie sal jy nie oppas nie dan kom die “demands” weer van verniet krag, water en die end resultaat is alles word weereens net afgebreuk!!! julle maak my moeg

AttieNo1

Genugtig hierdie mense is onwrikbare kommuniste. Daar moet internationaal “armoede en ongelykheid” aangepak word. Die beste ding of ideologie wat mense ophef noem mens vryemark kapitalisme, alles anders rol klippe in die pad van welvaartskepping. As kommuniste soos hy se gelykheid wil ek net uitgil: Los my net uit asseblief! Genade tog ons kort n volkstaat, groei Orania groei.

Droomwereld

Ramaparra leef so in sy eie droomwereld – hy gaan nog met ‘n “bang” wakkerskrik en dan is te te laat!! Dit is alreeds te laat.