Ramaphosa sê hy’s gʼn bang vir Cele

(Foto: Elmond Jiyane/GCIS)

Julius Malema wou Donderdag by pres. Cyril Ramaphosa weet of hy bang is vir Bheki Cele, die minister van polisie, en hom om dié rede nie wil afdank nie. Die president het dit egter duidelik gestel dat hy niemand vrees nie.

“Agbare lid, ek hoor wat jy sê. Maar ek vrees f***l,” het Ramaphosa gesê.

Malema het Ramaphosa Donderdag tydens ’n vraag-en-antwoordsessie gepols oor die onlangse afdanking van genl. Khehla Sitole, uittredende nasionale polisiekommissaris. Ramaphosa het daarop geantwoord dat hy nie nodig het om die afdanking van enige minister met iemand te bespreek nie, aangesien dit die besluit van die president bly.

Ramaphosa het gesê hy en Sitole het ’n wedersydse ooreenkoms gehad wat tot die vroeë beëindiging van sy kontrak as kommissaris gelei het. Hy het beklemtoon dat dit nie verband hou met die misdaadstatistieke van Oktober tot Desember wat onlangs bekendgemaak is nie.

Malema het dit aan Ramaphosa gestel dat hy sy mag verkeerd aanwend wanneer dit by die aanstelling van ministers kom. “Hierdie mag moet ingespan word in die beste belang van die mense.”

Ramaphosa het volgehou dat die beëindiging van Sitole se kontrak juis dít was – in Suid-Afrikaners se beste belang.

“Ek het ’n eed afgelê om Suid-Afrika eerste te stel. My verbintenis tot die republiek kan nie bevraagteken word nie. Ek is onherroeplik pro-Suid-Afrika en ek stel hierdie land eerste,” het Ramaphosa later volgehou.

Pieter Groenewald, leier van die VF Plus, het die kwessie Donderdag op sy beurt só aan die president gestel: Een van die probleme met die polisie is juis dat sy minister van polisie ’n voormalige polisiekommissaris sonder enige ervaring in die polisiediens is.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

13 Kommentare

jongste oudste gewildste
Strandloper

Shame…hoop jy glo jouself

Frederick

Los maar uit.

Dries

Hy is bang vir AL sy kaders. Veral vir kopdoek Zuma

Joe Olivier

Dit lyk my rama en fikile drink te veel saam. Die dat hulle so braaf blyk wil wees. Die publiek sien egter hul ware kleure. Rama vrees vir kopdoek en meeste van sy korrupte ander kaders.

Nicky

Hy is dan bang vir kopdoek