Ramaphosa se standpunt oor landelike misdaad verwelkom

Pres. Cyril Ramaphosa (Foto: Kopano Tlape/GCIS)

“Agri SA verwelkom president Cyril Ramaphosa se betuiging van medelye en leedwese teenoor die familie van wyle Brendin Horner en alle ander slagoffers van misdaad. Ons verwelkom ook die president se erkenning dat misdaad besig is om ons land uitmekaar te skeur en dat dit ʼn ernstige grondwetlike bedreiging inhou.”

Só sê Pierre Vercueil, president van Agri SA. “Suid-Afrika is in ʼn bose kringloop van misdaad vasgevang. Dit raak alle mense van ons land uiters negatief. Die vlakke van geweld en gewelddadigheid waarmee landelike misdaad gepaardgaan is onaanvaarbaar en alles moet in die stryd gewerp word om misdaad te bekamp.”

Vercueil het gesê die handhawing van wet en orde in die land moet geprioritiseer word en daarom word die praktiese stappe wat deur die president in sy nuusbrief vanoggend voorgestel is, verwelkom.

“Ons stem saam dat die sukses van die hersiene Landelike Beveiligingstrategie op groter koördinasie en beter kommunikasie tussen die Suid-Afrikaanse Polisiediens (SAPD), landbou-organisasies en gemeenskappe, berus,” het Christo van der Rheede, uitvoerende direkteur van Agri SA, bygevoeg.

Tydens die onlangse vergadering tussen georganiseerde landbou en die Nasionale Kommissaris van die SAPD, generaal Khehla Sitole, is ʼn hand van samewerking uitgereik. “Die onderneming is gegee dat die SAPD misdade in landelike gebiede proaktief en reaktief sal prioritiseer. Sukses kan slegs behaal word waar boere, hulle werknemers en die polisie saamwerk om misdaad te bekamp en om kriminele aan die pen te laat ry. Tydens die gesprek is veral gefokus op die beter implementering van verskeie elemente van die strategie. Agri SA het opnuut sy steun daaraan toegesê,” het Van der Rheede gesê.

Agri SA bepleit oor jare heen nouer samewerking tussen plaaslike landelike veiligheidstrukture en die plaaslike polisie asook nouer interaksie tussen die SAPD en private sekuriteitsmaatskappye wat in boerderygemeenskappe werk. Daarom het Agri SA reeds ʼn samewerkingsooreenkoms met Fidelity ADT aangegaan om plaaslike beveiligingsinisiatiewe te help versterk.

“Landbou speel egter ʼn enorme rol om op ʼn volgehoue basis in landelike ontwikkeling te belê. Agri SA steek weer sy hand uit om op ‘n gekoördineerde en pragmatiese wyse beleggings te weeg te bring, ekonomiese groei te bewerkstellig, opkomende boere by te staan en landelike ekonomieë aan die gang te kry ten einde die lewensgehalte van alle mense in die platteland te verbeter en welvaartskepping op ʼn inklusiewe basis te weeg te bring.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

24 Kommentare

jongste oudste gewildste
marius

Jy het nog niks gesien nie ou bul .

Willem

Gló jul vir cyril?Ag please hys n joke vir SA veral vir witmense!!!!!!

Persheks Adri

Ek neem kennis van die artikel, maar onthou vanoggend se woorde:

Cyril jou stelling laat ons weereens wonder of jy regtig plaasmoorde veroordeel! Jy dwaal af van die onderwerp af regtig waar man. Swart en arm? Jy gooi so vinnig die wit kaart aikona! Onthou wie sit kos op jou tafel.

“Ramaphosa sê hoewel misdaad almal raak, is die meerderheid slagoffers van geweldsmisdaad swart en arm en dit is jong swart mense wat die grootste gevaar loop om vermoor te word.”

Ons is NÊRENS veilig nie neem kennis van dit en dis bloed op jou en jou kaders se hande!

Leeuwyfie

Ek het sy hele brief gelees, en die eerste 5 sinne was aan Brendan Horner toegewy, die 30 sinne daarna was om aandag van die boer weg te vat, weereens die plaasmoorde te vereenselwig met alle ander moorde in Suid Afrika en af te maak as normaal in ons land. Toe moes hy natuurlik benadruk hoe arm swart mense is en dat boere meer moet doen om gelykheid te bevorder op landelike gebiede. En natuurlik die kersie op die koek; die meerderheid swartmense word vermoor, ons moet dit tog net onthou. Basies kon ek sy brief opsom as; jammer oor… Lees meer »

annie

Volgens ‘n buitelandse nuusdiens het Cyril aangedui dat die aanvalle op wit plaasboere nie rasgedrewe is nie maar bloot rasgedrewe tov apartheid ‘n kwarteeu gelede. So, dit is rasgedrewe en Afrikaners dra die blaam. Sou so ‘n opmerking nie as aanstigting gereken kon word nie? Om dan kamma simpatie te gaan toon sou bloot skynheilig wees.