Ramaphosa skop teen ‘entstof-apartheid’

Pres. Cyril Ramaphosa (Foto: PresidencyZA/Twitter)

Pres. Cyril Ramaphosa sê in sy weeklikse nuusbrief dit sal op sogenaamde entstof-apartheid neerkom as die landsburgers van gevorderde en ryk lande veilig ingeënt word, terwyl miljoene in armer lande in die tou vir die entstof teen Covid-19 sterf.

Suid-Afrika het, net soos Indië, ʼn voorstel by die Wêreldhandelsorganisasie (WHO) ingedien vir ʼn tydelike kwytskelding van sekere van die organisasie se handelsverwante bepalings oor intellektuele eiendomsregte (TRIPS).

Die voorgestelde kwytskelding het ten doel om wyer toegang tot tegnologie te vergemaklik wat nodig is om entstowwe en medisyne te produseer en geniet tans die steun van meer as 100 lande. Maroela Media het vroeër berig dit sluit in die VSA wie se steun as geskiedkundig en ʼn monumentale oomblik in die stryd teen Covid-19 bestempel is.

Ramaphosa het Maandag geskryf die kwytskelding is op hierdie tydstip broodnodig en bloot tydig om op ʼn “noodgeval” te reageer.

“Dit is ʼn ongekende situasie. Dit vereis dat alle intellektuele eiendom, kennis, tegnologie en data met betrekking tot Covid-19-gesondheidstegnologie tot almal se beskikking moet wees.”

(Foto: Andres Larravere/AFP)

Die president sê voorts indien die internasionale gemeenskap werklik verbind is tot menseregte en die waardes van gelykheid en nie-diskriminasie, entstowwe as wêreldwye openbare items beskou moet word.

“Dit moet aan almal beskikbaar gestel word, nie net aan die hoogste bieërs nie.”

Ramaphosa wys daarop dat Oos-Asië oor 55% van die bestaande kapasiteit vir entstofproduksie beskik, terwyl Europa en Noord-Amerika in dié stadium oor 40% beskik. Afrika het op sy beurt minder as 5% van die bestaande kapasiteit terwyl baie van hierdie kapasiteit in die geval van ontwikkelende lande onderbenut is.

Suid-Afrika is een van slegs vyf lande op die Afrika-vasteland met entstofproduksievermoë.

“Hoewel ons genoeg entstofdosisse verkry het om kudde-immuniteit te bereik, sal daar steeds ʼn behoefte aan entstowwe wees.

“Daarom berei ons ons voor om die wêreldwye entstofproduksie vir Covid-19 en ander groot siektes te versterk. Bestaande fasiliteite moet herbou word en nuwe kapasiteit gebou word,” sê Ramaphosa.

Die president doen ʼn beroep op alle Suid-Afrikaners en veral burgerlike organisasies wat ʼn groot rol tydens die MIV/vigs-pandemie gespeel het, om hierdie poging te ondersteun.

“Die burgerlike samelewing speel ʼn kritieke rol in die mobilisering van internasionale steun vir hierdie saak, veral deur internasionale samewerking met eendersdenkende organisasies in ontwikkelde lande.”

Ramaphosa sê die idee is om die plaaslike produksie te bespoedig om wyer toegang tot bekostigbare en doeltreffende entstowwe te verseker.

Verlede week het die Amerikaanse regering sy steun vir die voorstel aangekondig, wat die huidige onderhandelinge momentum sal gee.

Deel van: SA-nuus

Koronanuusbrief

Wil jy op hoogte bly van alle nuus oor Covid-19 op Maroela Media? Teken in op die nuusbrief.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

33 Kommentare

jongste oudste gewildste
Suzette

Ek wens die regering wil ophou om die dood geryde perd oral in te sleep… Werklik, kom net by!!

Johannes

Nou staan ANC weer bakhand soos gewoonlik will alles geniet he.Ai tog bedelaars gebore sal as bedelaars doodgaan

Hoekom

Dit kom neer op intellektuele diefstal…

“If you cant make your own success, steal it.”

Wakkerslaper

Dit is darem net te wonderlik…

…ek is te onbevoeg om my eie voorspoed en welvaart in die lewe te skep, en in hierdie geval, my EIE entstof te ontwikkel en te produseer, maar nou moet dié wat bevoeg is om vir HOMSELF te sorg in die lewe gepenaliseer word…

…en dit onder die dekmante van “apartheid en rassisme”… hoe flippin absurd!

Nie Verbaas

Die res van die wereld het nie geslaap soos ons regering nie en hulle fondse om te betaal is nie geplunder soos by ons nie. Dit het absoluut niks met apartheid te doen nie so hou op slagoffer speel.