Ramaphosa spreek land vanaand toe

Pres. Cyril Ramaphosa. (Foto: Elmond Jiyane/GCIS)

President Cyril Ramaphosa sal vanaand die land toespreek oor die regering se reaksie op die Covid-19-pandemie.

Tyrone Seale, Ramaphosa se woordvoerder, het bevestig die president sal die land om 20:00 toespreek.

Die kabinet en die nasionale koronavirusbevelsraad het vroeër die week vergader om die moontlikheid van nuwe beperkings te bespreek ná ʼn skielike styging in Covid-19-infeksies op talle brandpunte landwyd.

Na verneem word, is die bevelsraad ten gunste van ʼn beperking op alkoholverkope en beperkte handelsure vir kroeë en restaurante in gebiede waar infeksies die hoogte ingeskiet het.

ʼn Aangepaste aandklokreël is moontlik ook weer op hande en luidens berigte het die raad aanbeveel dat openbare byeenkomste weer tot heelwat minder mense beperk word.

Daar was verlede maand heelwat bespiegeling dat Suid-Afrika weer na een of ander vorm van inperking kan terugkeer, maar alle ekonomiese aanduidings is dat die land dit bloot nie sal kan bekostig nie.

Ramaphosa het toe, pleks van strenger beperkings, ʼn beroep op Suid-Afrikaners gedoen om waaksaam te bly. Hy het aangekondig dat die handelsure van drankverkope inteendeel weer na normaal mag terugkeer.

Daar was sedertdien herhaalde oproepe uit verskeie oorde dat die huidige vlak 1-beperkings verskerp word om ʼn toename in infeksies in plekke soos die Oos-Kaap te stuit in ʼn poging om te keer dat ʼn tweede vlaag besmettings na die res van die land uitkring.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

27 Kommentare

jongste oudste gewildste
JohanR

Sal liewer gaan le en my boek lees!

Persheks Adri

Ja Cyril gaan praat met “our people” want regtig hulle luister nie. Nou moet ons almal gestraf word pffft! Ek’t beter dinge om te doen as om na jou te luister

Miskruier

Heers met vrees, ons sit soet opgesluit.

Misky

Maki saki….. inelkgeval net klein persentasie van bevolking wat reels navolg

Johann

Sy “fellow south AFRICANS” kan seker nie wag om van hulle “leader” of “the people” te hoor nie?