Ramaphosa spreek nasie later vandag toe

OPVOLG: President gaan nie nasie vanaand toespreek

Pres. Cyril Ramaphosa. Foto: Presidensie/Twitter

Pres. Cyril Ramaphosa sal die land later vandag of vanaand daaroor toespreek of die huidige regulasies rakende die koronavirus genoegsaam is, en of nuwe regulasies benodig word.

Hy begin sy dag met ʼn samekoms met sakeleiers by die Uniegebou. Die sakeleiers sal vir hom hul terugvoer gee oor die uitwerking van die virus en die gevolglike rampmaatreëls op die ekonomie, asook voorstelle doen oor hoe die negatiewe trefslag verminder kan word.

In ʼn aanduiding dat verdere maatreëls onderweg kan wees, sal die president dan met leiers van al die opposisiepartye wat in die parlement verteenwoordig word, byeenkom. Daar was Woensdag ʼn soortgelyke vergadering tussen die president en opposisiepartye, maar nou sal alle politieke partye ʼn kans kry om hul sê te sê.

Daarna vergader Ramaphosa met die nasionale bevelraad (die deel van die kabinet wat die koronavirus-situasie bestuur).

Tydens die vergadering sal Ramaphosa ʼn bygewerkte verslag ontvang oor die uitbreking, soos die vooruitgang en uitdagings wat verband hou met die toepassing van die onlangs afgekondigde regulasies en ander maatreëls om die land te beskerm, asook die ekonomiese uitwerking.

Die nasionale bevelraad sal spesifiek besin oor hoe die huidige rampmaatreëls verander moet word, waarna die president die land sal toespreek.

Die president se toespraak sal regstreeks op talle radiostasies, televisiekanale en aanlyn uitgesaai word.

Volgens die presidensie word die tyd van die president se toespraak bepaal deur wanneer sy vergaderings afgehandel is.

Wil jy op hoogte bly van alle nuus oor Covid-19 op Maroela Media? Klik hier om in te teken op ʼn daaglikse nuusbrief.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

19 Kommentare

jongste oudste gewildste
Anel

Kon hy nie maar gister of môre die vergaderings gehou het nie? Hoekom altyd op ‘n Sondag? En dan dink hy hy weet iets of gaan ‘n versil kan maak? Hulle saai net paniek en histeria.

Stof

Anel, jy het ‘n geldige kopsorg. Baie deel dit. Dankie dat jy opstaan vir Vader. Ek eer jou daarvoor. Ek vertrou regtig egter dat hy darem wel vanoggend die opdrag na die gemeenskap van gelowiges nagekom het, al moes hy dalk homself net voor die kollekte verskoon het…

Niné

As ek kyk na ander lande is “total lockdown” die beste voorkoming. Maar wat gemaak met informele nedersettings waar almal opmekaar bly? Dit is my grootste kommer asook die hardkoppiges wat met hulle koppe in die sand is en dink ons is verniet bekommerd.

Scalla

Hoekom altyd op n Sondag, sal seker weer laat wees , Afrika tyd, kry seker dubbele oortyd, hul word getime met n almanak en nie n stophorlosie nie.

wilhelm

Daar is niks fout met n sondag dis die beste tyd om toespraak te gee waneer meeste mense by huis is .en ek dink eerder streng maatreels as wat mense mak wat hul wil .Al kan jou ligaam dalk die virus aanvat wie se die vlgende persoon kan