Ramaphosa stel beleggers gerus oor onteiening sonder vergoeding

Pres. Cyril Ramaphosa tydens die Mynbou-indaba in Kaapstad (Februarie 2019) (Foto: Presidensie/Twitter)

Beleggers hoef nie bekommerd te wees dat hul beleggings en bates van hul weggeneem sal word tydens grondonteiening sonder vergoeding nie, omdat dié maatreël op só manier aangepak sal word om nie die beginsels van die Grondwet te ondermyn nie, het pres. Cyril Ramaphosa Dinsdag gesê.

“Dit sal gedoen word op só manier dat ekonomiese ontwikkeling en landelike insette bevorder word en dat die beginsels van ons Grondwet nie ondermyn word nie.”

Ramaphosa het tydens die Mynbou-indaba by die Kaapstadse internasionale konvensiesentrum gesê die regering het die geleentheid gebruik om sy benadering oor grondhervorming aan beleggers duidelik te stel nadat beleggers hul kommer uitgespreek het oor planne vir onteiening sonder vergoeding.

“Ons moet dit duidelik stel dat ons benadering is om eiendomsregte te bevorder, en nie te ondermyn nie, terwyl ons dit wat as die ‘oorspronklike sonde’ beskryf word teen swart Suid-Afrikaners tydens koloniale en apartheidsdae, probeer takel. Dit wat ons voorstel, is slegs van toepassing op grondhervorming en binne ʼn duidelike stel omstandighede,” het die president gesê.

Hy neem kennis dat mynmaatskappye vir die regering aangedui het dat hulle bereid is om hul grond weg te gee vir behuising vir plaaslike regerings of boerdery aan verskeie gemeenskappe.

“Ons moet dié mynmaatskappye loof wat oortollige grond het, wat hulle nie gebruik nie, en aangedui het dat hulle bereid is om die grond weg te gee vir behuising vir plaaslike regerings of as boerdery vir verskeie gemeenskappe. Dit is wat goeie korporatiewe burgerskap behels, waar maatskappye konstruktief betrokke raak om ʼn maatskaplike behoefte aan te roer.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

53 Kommentare

jongste oudste gewildste
De Villiers

Nog niemand kon tot dusver bewys dat grond onregmatig van swartes in die verlede afgeneem is nie. So, wat van grond moet reggestel word. CR dink hy kan mense bluf met mooi praatjies, maar hy besef nie die beleggers is ingeligte mense nie. Steeds is hy duister oor sy plan met onteiening sonder vergoeding. Slinks

Frik

Dis dieselfde man wat niks weet van die R500,000 of van Bosasa nie. Wat nie weet van die plaasmoorde nie.
Grondonteining selfde pad as in Zimbabwe, gemik teen die wittes en oop vir korrupsie.
Hoop westerse wêreld val nie vir hierdie storie nie en plaas nog groter druk op Anc.

Kediksie

Nou wat is Boere anders as beleggers???

Veritas

Onteien sommer al die sg trustgebiede in die Limpopo provinsie en gee dit vir die Afrikaner as tuisland. Binne tien jaar kan julle dan kos by ons kom koop wanneer al die ander plase ophou funksioneer het.

Domvraag

Hoor wat hy sê, dit gaan oor die sonde teen swartes gedurende die koloniale en apartheidsjare. Toe koloniste hier gekom het, was net die San hier, so ander swartes kan nie nou as San beskou word nie.
Daar is genoeg grond in staatsbesit wat gebruik kan word.
Ek het my grond gekoop en dit nie verniet gekry nie.