Ramaphosa-uitsprake skep ‘wrywing’

Dr. Pieter Groenewald. (Foto: VF Plus)

“Daar is ʼn grondwetlike plig op die president van Suid-Afrika om nasiebou te bevorder en dit is daarom onaanvaarbaar dat die uitlatings van pres. Cyril Ramaphosa tydens die afskop van die ANC se veldtog teen rassisme, eerder onnodige wrywing kan veroorsaak.”

So het dr. Pieter Groenewald, leier van die VF Plus, gereageer op Ramaphosa se uitlatings die afgelope naweek.

Ramaphosa het onder meer die dood van George Floyd, die swart Amerikaner wat onder die knie van ʼn wit polisiebeampte gesterf het, veroordeel. Floyd se dood het tot groot rassespanning en grootskaalse oproer in Minneapolis gelei en het sedertdien oorgespoel tot landwye betogings. Sy dood is wêreldwyd en ook in Suid-Afrika betreur.

Ramaphosa het die naweek gesê 26 jaar ná die aanvang van ʼn demokratiese bestel is rykdom steeds in die hande van ʼn paar wit mense en dat die armes en werkloses steeds oorwegend swart is. Ramaphosa het gesê apartheid is dalk verby, maar die nalatenskap daarvan duur voort.

“Dit is die gevoel van ʼn natuurlike orde van dinge wat wit Suid-Afrikaners rassistiese uitbarstings laat maak, wat wit Suid-Afrikaners laat dink hulle het die reg om swart mense ape te noem en swart mense in ons land as karikature van diere te laat uitbeeld,” het hy gesê.

Groenewald sê wanneer die president van ʼn land net van sekere, uitsonderlike voorvalle ʼn ophef maak – soos Floyd se dood in die VSA – maar oor ander gruweldade soos plaasmoorde swyg, sal hy nie nasiebou bevorder nie.

“Die dood plaaslik van Collins Khosa in April vanjaar nadat hy aangerand is deur lede van die weermag en metro-polisie, is ʼn verdere voorbeeld hiervan,” sê Groenewald.

Ramaphosa het wél na Khosa se dood verwys en gesê hy betreur dié voorval, asook ander voorvalle waar mense glo weens die optrede van Suid-Afrika se veiligheidsmagte dood is.

Khosa, ʼn inwoner van Alexandra in Gauteng, is dood nadat soldate sy erf binnegekom en hom glo erg aangerand het. Hy is daarvan beskuldig dat hy die afsonderingsregulasies oortree het.

Groenewald sê dit is bekend hoe Ramaphosa in antwoord op ʼn twiet van pres. Donald Trump van Amerika lank moorde op wit boere in Suid-Afrika ontken het en eers toegegee het dit vind plaas nadat die VF Plus in November 2018 groot druk in die parlement tydens vraetyd op hom geplaas het.

“In enige samelewing is daar altyd ekstremiste onder alle bevolkingsgroepe en dit is juis die verantwoordelikheid van politieke leiers en veral van ʼn president om daarteen te waak om enkele gevalle nie te veralgemeen as die denke van alle mense van ʼn sekere bevolkingsgroep nie.

In ʼn land soos Suid-Afrika met sy diverse bevolkingsamestelling moet die president alle vorms van rassisme, van swart en van wit, veroordeel.  Alle mense se lewe is belangrik. Dit is die grondwetlike en morele plig van ʼn president om dit te erken en te bevorder.”

Ook op sosialemediaplatforms het mense na Ramaphosa teruggekap. Een gebruiker het gesê Ramaphosa pak die skuld vir sy eie tekortkominge op ʼn minderheidsgroep terwyl mense sterf weens ʼn vals voorstelling wat haat aanblaas.

Nóg ʼn gebruiker het die president se opmerkings as “verregaande” en “rassisties” bestempel.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

30 Kommentare

jongste oudste gewildste
Renier johannes

Wat van ons boere wat uit gemoor word

Althes

Ek veroordeel sy rassistiese uitsprake ook ten sterkste. Hy moet ñ nasiebouer wees, nie verdeeldheid aanblaas nie. En dank die Vader Khosa was nie dood aan die hand van ñ wit weermaglid nie. Dan is daardie rassedeuntjie getokkel totdat die snaar breek.
Wat van wit mense wat vermoor word deur swart mense? White lifes matter too!
Maar danksy ons politici word ons gemartel en vermoor agv hul uitsprake.

Willie

Kan iemand vir die president en sy volgelinge sê hoekom daardie amerikaner dood is. Hy moes iets gedoen het. ‘n Saak het altyd twee kante.

Nie Verbaas

En so verloor ons ANC dag na dag respek. Nog nie een plunderaar van staat se koffers agter tralies nie. ANC gee ook nie veel om vir sy ondersteuner op straat nie. Hulle is juis arm oor ANC maar dan wil die nie verantwoordelikheid vat nie. Siestog, altyd witman se fout.

Ronel

Saterdag is witman vermoor met Panga in Midlands van KZN en daar was ook n ander Panga moord verlede week almal wit mense deur swartes. Hulle kan selfsorg net moor.
Nou word Ramaphosa ook rassisties. Veroordeel sy optrede en uitspraak ten sterkste.!!!