Ramaphosa verwelkom onthullings by ondersoeke

Pres. Cyril Ramaphosa in Kimberley (2 Februarie 2019) (Foto verskaf)

Suid-Afrikaners moet nie bekommerd wees oor onthullings by verskeie kommissies van ondersoek nie, het pres. Cyril Ramaphosa Saterdag gesê.

“Die waarheid wat nou onthul word, sal ons vry maak en ons sterker maak, maar ons moet seker maak dat die verkeerde dinge wat by die kommissies van ondersoek bespreek word, nooit ooit weer in Suid-Afrika gebeur nie,” het hy aan duisende ANC-ondersteuners tydens die bekendstelling van die party se verkiesingsmanifes in die Noord-Kaap by die Galeshewe-stadion in Kimberley gesê.

“Ons wil nooit weer teruggaan na die dinge wat in die ondersoeke aan die lig kom nie. Ons wil seker maak dat dit nooit weer gebeur nie.”

Suid-Afrikaners is sedert die begin van Januarie verstom oor onthullings by die Zondo-kommissie van ondersoek na staatskaping, waar getuienis aangebied word oor grootskaalse plundering van staatsgeld – waarskynlik miljarde rand – en maatreëls om dié misdade weg te steek.

Twee ander kommissies van ondersoek oor staatskaping vind ook plaas en het tot dusver soortgelyke kommerwekkende onthullings gehoor van bedrog, korrupsie en politieke manipulasie.

Die Mokgoro-kommissie stel ondersoek in oor die bekwaamheid van senior staatsaanklaers Nomgcobo Jiba en Lawrence Mrwebi om die amp te beklee. Beide word geteister deur bewerings van vervolging wat polities gemotiveer is.

ANC-ondersteuners by die bekendstelling van die party se verkiesingsmanifes in Kimberley (2 Februarie 2019) (Foto verskaf)

ʼn Derde kommissie stel ondersoek in oor bewerings van ongerymdhede in die Openbare Beleggingskorporasie (OBK), wat twee biljoen (“trillion”) in staatsbates bestuur, hoofsaaklik staatspensioene en ander fondse in die staatskas.

“Diegene wat betrokke was by ongerymdhede moet self na vore kom en aanspreeklik gehou word. Dit is belangrik vir die land en vir die ANC om seker te maak dat ons hierdie geleentheid aangryp en die geloofwaardigheid in ons beweging herstel,” het Ramaphosa gesê.

“Die ANC kom sonder enige arrogansie voor die land. Ons kom sonder enige bravade dat ons, soos die Grondwet van ons vereis, gereed is om dienaars van die mense te wees,” het hy bygevoeg.

Hy het vroeër gewaarsku dat die regering op die spoor is van dwelmhandelaars wat jongmense se lewens verwoes. “Diegene wat in dwelmmiddels en bendebedrywighede betrokke is, moet weet dat ons vir julle kom. Ons gaan op julle fokus.” Die ANC werk hard om veiligheid en sekuriteit in gemeenskappe, huise en op Suid-Afrika se grense te verseker. Dit sluit die toewyding in om te stry teen geslagsgebaseerde geweld, bendebedrywighede en dwelmmiddels.”

Ramaphosa het gesê gespesialiseerde eenhede in die Suid-Afrikaanse Polisiediens sal dwelmsindikate teiken. “Te veel van ons gemeenskappe word steeds deur dwelm- en alkoholmisbruik geteister. Die ANC bly verbind daartoe om maatskaplike en strafregtelike geregtigheid te bevorder.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

30 Kommentare

jongste oudste gewildste
Tik tok tik tok

Hey jou ramkat
Ek verstaan jy word ook nou gekoppel aan sassa geld wat jy ingepalm het
Luv die brief wat 5 countries aan jou geskryf het
Hoop jy neem daai waarskuwing ter harte
Voor jy ook dalk in die tronk sit

Vic

Maar jy sê niks van die sinnelose plaas aanvalle en moorde op boere wat kos produseer nie. Talk is cheap want jy kruip nou weer vir stemme vir die ANC.

Afrikaner

Cyril, dankie, ons besef jy doen jou bes, buiten nou dat die geskiedenis met jou paddakokery elke nou en dan opduik, ook die grond kwessie wat julle dryf omdat julle nie ‘n ander wortel het om vooraan die stok te hang nie. Dan ook maak jy baie populistiese uitsprake en het jy en jou nommer twee mekaar al op dieselfde dag weerspreek. Maar baie belangrik vir ons toekoms is hoe suksesvol jou besoeke oorsee is om ons ekonomie aan die gang te kry. Maar dis nie die einde van jou kopsere nie, dus kan ek nou nie anders om die… Lees meer »

Ekke

Ek kan nie wag dat sy naam ook onthul word nie. “die waarheid sal ons vry maak en sterker maak” ja.. Miljoene rande later.. Net ‘n piets op die hand gepaard met “moenie weer nie” (dis hoe hy werk) vir al die individue wat onthul word.

John

Cyril glo SA is tans net ‘n verhoogstuk, waar die karakters bloot hul maskers afhaal en dan is alles weer dieselfde… wonderlik en mooi. Die ANC-droomwereld het CR beet. Trek mooi aan en praat mooi Engels en waai soos die queen… Ons gaan die Mogabe-era binne… waar pappie, moeder en kroos blink en die res krepeer.