Ramaphosa waarsku Mosambiekse djihadiste by Machel-gedenkdiens

President Cyril Ramaphosa (Foto: Kopano Tlape)

Pres. Cyril Ramaphosa het Dinsdag tydens die 35ste herdenking van die dood van Samora Machel, die oudpresident van Mosambiek, beloof om Islamitiese rebelle te vervolg wat verwoesting in die noorde van die land gesaai het.

Ramaphosa en die Mosambiekse president, Filipe Nyusi, het ʼn gedenkdiens vir Machel gelei. Die diens het by ʼn monument wat by die ongelukstoneel opgerig is, geskied.

Machel is op 19 Oktober 1986 in ʼn vliegtuigongeluk naby Komatipoort in Mpumalanga oorlede. Altesaam 35 mense het in die ongeluk omgekom.

Ramaphosa het hulde gebring aan Machel vir sy bydrae tot die stryd teen die koloniale en apartheidsregime in Suider-Afrika. Hy het die streek aangemoedig om “voort te gaan met die stryd” om vryheid.

“Dit is om hierdie rede dat die mense van Suider-Afrika saam besluit het om in solidariteit op te tree en die mense van Mosambiek te help teen die rebelle wat konflik, onsekerheid en geweld versprei, en hulle te beveg,” het Ramaphosa gesê.

“Ek het een boodskap vir die opstandelinge: Ons sal julle vervolg. Ons sal seker maak dat Mosambiek ʼn land word waar julle geen geweld sal versprei nie.”

Die SAOG-blok, bestaande uit 16 lidlande, het sedert Julie troepe in die noorde van Mosambiek ontplooi.

Die konflik heers sedert 2017. Meer as 3 300 mense is reeds doodgemaak en ongeveer 800 000 ander mense ontwortel.

Machel se ongeluk bly ʼn raaisel, maar daar word algemeen bespiegel dat dit moontlik verband kan hou met spanning tussen Mosambiek en die destydse apartheidsregime in Suid-Afrika.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

59 Kommentare

jongste oudste gewildste
Shakespeare

Rama julle kan nie eers die oorvloed kriminele in ons land beheer nie dan wil jy Islam aanvat. HA HA

Jean

Stuur ons hele weermag asb, hulle sal so gou terug hardloop na SA

Henry

Nogal lagwekkend. Hy sê hy gaan die terroriste vervolg, maar kan dit nie eers suksesvol doen is sy eie land. Regtig. Hulle gaan vir hom lag indisn hulle nie reeds doen nie.

Willie

Jy kan dan nie eers die terroriste in jou eie land vervolg nie. Hoe dan nog in n ander land?

Trotse Boervrou

Meneer die President, met alle respek gesê, jy kan nie eers jou eie land help nie. Jou beloftes verdwyn soos mis voor die son. Dan wonder ek net watter weermag gaan jy gebruik om Mosambiek te help?