Ramaphosa wil impak van brandstofpryse, BTW verminder

Pres. Cyril Ramaphosa. Foto: GCIS

Pres. Cyril Ramaphosa het Vrydag gesê die regering gaan ʼn stel ekonomiese maatreëls bekendstel wat sal help om die las te verlig wat Suid-Afrikaners dra in terme van die styging in die brandstofprys asook BTW.

Ramaphosa het sakelui en regeringsbeamptes in Pretoria toegespreek voor die Brics-beraad later vandeesmaand.

Volgens hom sal dié stel maatreëls die finalisering van die lys produkte wat uitgesluit word van BTW insluit. “Ek sal die ministers vra om die maatreëls binne twee weke te finaliseer.”

Hy het verder ʼn beroep gedoen op handelaars, spesifiek voedselvervaardigers, om nie dadelik verhogings op voedsel te implementeer nie.

Die regering het die afgelope ruk fel deurgeloop onder kritiek deur opposisiepartye en die samelewing oor die jongste brandstofverhoging en nóg verhogings word verwag. Die ANC het ook gevra vir die regering se ingryping.

Jeff Radebe, minister van energie, het vroeër gesê Suid-Afrika is ʼn nie-olieproduserende land en dat die regering die pryse van brandstof moet aanvaar soos wat dit deur die internasionale mark vasgestel word.

Ramaphosa het voorgestel dat padverbruikers moet probeer om saam te reis, onnodige reise te vermy en “ekonomiese bestuurstegnieke” toe te pas om die impak van die brandstofprysverhoging te verminder.

Radebe het verduidelik dat Ramaphosa opdrag gegee het dat die mandaat van die BTW-kommissie verbreed moet word om die brandstofpryskwessies in te sluit.

Die binnelandse prys vir 95 oktaan petrol het Woensdag tot ʼn rekordbedrag van R16,02 per liter gestyg terwyl die prys aan die kus nou R15,43 per liter is.

Pryse sal na verwagting in Augustus verder styg.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

37 Kommentare

jongste oudste gewildste
Jakkalas

Dis bog dis agv al die belastings wat die ANC regering op die brandstof prys laai. Gedurende 2012 was die prys van olie $142/ vaat. Dit het ongeveer R8-9/ltr gekos toe en die Rand was teen die Dollar ongeveer R12,50. Nou kos olie $75/vaat internasionaal en die Rand teen Dollar R13,50 maar brandstof oor die R16/ltr. O ja en ons was toe ook nie ‘n olie produserende land Mnr. Radebe. Wat het verander behalwe julle gulsigheid na geld wat julle by die belasting betaler wil uitsuig.

ne

Mooi gestel, Jakkals. Maar ander mense het nie die verstand om dit so te bereken nie.

Ouman

Waar is die ru olie reserwes? O ja die korruptes het dit gesmous en nou het ons niks

humor

En so sal die belastingbetaler steeds dubbel moet opdok. Eerstens is ons van die belasting wat ons reeds betaal het, beroof. Nou word ons weer beroof deur duurder brandstofpryse om die beroofde geld terug in die staatskas te kry. En ons hoor nog steeds niks dat die korupte kaders enige iets al terug betaal het nie.

Chris Ws

Die internationale ru-olie prys ten spyt,kan die regering MORE die brandstof pryse met tot R5 per liter verminder!Dis net belastings bo op belastings en ook die padbouheffing wat niks beteken nie, wat die brandstof in ons land so onnodig duur maak.Ek wens daar was ‘n manier om die anc regering se ondersteuners presies in te lig WAAROM hulle brandstof so duur is hier teen oor in ons buurlande.
Dit sal gaaf wees indien Maroela Media ‘n indiepte prys samestelling van brandstof in SA kan publiseer.