Rand swakste nóg teen dollar in 2 jaar

Argieffoto (Foto: stevepb, Pixabay)

Die rand het Maandag die swakste nóg in meer as twee jaar teen die Amerikaanse dollar presteer toe die geldeenheid tot verby die R15-kerf getuimel het.

Onrus in Turkye word daarvoor blameer dat beleggers teen die ontluikende geldmarkte gedraai het. Die rand se verswakking, wat by R15,30 teen die dollar gedraai het, is weerspieël in die swak prestasie van die Turkse lira te midde van sanksies wat deur die VSA opgelê is. Dit het ook ander ontluikende geldeenhede geaffekteer soos Argentinië se peso.

Beleggers is geneig om gedurende tye van geopolitieke spanning van bates in opkomende markte ontslae te raak aangesien dit as groter risiko’s gesien word.

Teen 08:20 het die rand herstel tot R14,40 teenoor die dollar.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

26 Kommentare

jongste oudste gewildste
Esta

Dankie Cyril!!!!

Gemaskerde Sopbeen

As die Rand nie in 24 jaar kon “ontluik” en klaarkry nie….wanneer gaan dit dan gebeur? Daar word gereeld verwys na “opkomende markte” maar vir my lyk dit meer na “Afgaande Markte”…..En die verduidelikings en vingerwysings vlieg die hele internet vol, maar WAT moet Suid Afrika se regering doen om ons geld-eenheid te versterk? En waarom doen hulle dit nie?

John

Ons gaan haal ons probleme darem lekker ver. Wat van daai ou in Ysland wie se vis weggekom het… nog 20% weg… Eintlik staan die horlosie op 7min voor 12 middernag, maar die horlosie word ook nie meer gediens nie want die skoonmaker staak. Sy vrou wou vanoggend nie sy koffie in die bed bedien nie… en alweer val die rand.

Sam

En land onteiening het niks daarmee te doen nie? Oor 3 jaar van nou het ons ook ons eie R2miljoen not.

Danie

Dit het dalk te doen met die lys van plase/hoewes/erwe (meerendeels – dit sluit ook hoewe [hoewes en erwe: aangrensend aan dorpsgebiede in]) wat moontlik onteien gaan word te doen. Watter waarborg het belegger dat daar darem ‘n sent of twee terugbetaling op die belegging gaan wees indien eiendomsreg nie meer gewaarborg kan word nie.