Raskriteria: Organisasies reik hofstukke uit

Kallie Kriel, uitvoerende hoof van AfriForum. (Foto: AfriForum)

AfriForum en Solidariteit se regsverteenwoordigers het Maandag hofstukke uitgereik waarin hulle die Konstitusionele Hof direk nader met ’n appèlaansoek teen die uitspraak van regter Jody Kollapen in die hooggeregshof in Pretoria.

Kollapen het Donderdag beslis dat die departement van toerisme wel ras as kriterium vir die toekenning van finansiële hulp aan klein, mediumgrootte en mikro-ondernemings (KMMO’s) kan gebruik.

Kallie Kriel, uitvoerende hoof van AfriForum, het vanoggend in ’n verklaring gesê daar is besluit om die Konstitusionele Hof direk te nader aangesien die klein toerismebesighede wat deur lede van minderheidsgroepe besit word, net soos alle ander klein toerismebesighede dringend hulp benodig.

“As die saak sloer, sal talle klein sakeondernemings in wit besit ondergaan en sal die regering aandadig wees. Figuurlik gesproke is dit ekonomiese moord op minderhede,” meen Kriel.

Dr. Dirk Hermann, bestuurshoof van Solidariteit, is ook nie te vinde daarvoor dat ras as kriterium vir die toekenning van finansiële hulp aan KMMO’s gebruik word nie. “Dit is skrikwekkend dat daar grondwetlike ruimte in ’n krisis soos hierdie kan wees waar die toekenning van noodfondse op grond van ras kan geskied,” het hy gesê.

Volgens Hermann is dit van uiterse belang dat regsekerheid oor die aangeleentheid verkry word. “Aangesien dit ’n dringende krisis is, is ons van mening dat die saak ook dringend is en daarom het ons gevra dat ons toegang tot die Konstitusionele Hof vir dié saak kan kry.”

Maroela Media het vroeër berig Solidariteit en AfriForum was op 28 April in die hooggeregshof in Pretoria om te vra dat die rassemaatstaf van die departement van toerisme hersien moet word. Dit volg nadat Solidariteit op 25 Maart ʼn klagte by die Menseregtekommissie (MRK) ingedien het nadat die regering bekend gemaak het dat ras, eerder as nood, die bepalende faktor vir die toekenning van noodfondse sal wees. ʼn Dringende aansoek is op 30 Maart op die departement beteken.

Solidariteit argumenteer dat die pandemie nie op grond van ras teen sy slagoffers diskrimineer nie en dat dit dus immoreel van die regering is om hulp op hierdie gronde aan te bied.

Die departement van toerisme se verweer was dat hy wetlik verplig is om swart ekonomiese bemagtiging toe te pas, ongeag die gevolge van beweerde verpligting.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

15 Kommentare

jongste oudste gewildste
katerinadiekat

Dankie Afriforum vir alles wat julle doen. Ek is egter bevrees dat die ANC regering die Covid situasie met n blye hart aangryp om blanke besighede te kelder. Uit pure haat en nyd. Om soveel as moontlik van die blanke demografie te verarm tot plakkerskamp vlakke. Baie swartmense gaan Ook hierdeur hul werk verloor. Maar daaroor is die ANC se gevoel seker maar: ” Take one for the team, pal, at least we are destroying the lives of many pesky whites”. I mean, what else is one supposed to conclude from this disgraceful situation?

Harry

Hier is die grap. Hierdie stoei kom tot niks. Kospakkies ter waarde van R30.00 word uitgedeel aan stadsraad amptenare teen R600 per pakkie. Geld vloei nogsteeds.

SomeOne

dis hoekom die land voor 1994 ‘n apartheids regering was, want rasse kon nie tot ‘n vergelyk kom nie

Jaco

As raskriteria ooit geskrap word en wit besighede doen aansoek vir hulp en kry dit, dan het die staat as deel van die aansoeke ALLE inligting oor daardie besighede bekom. Oor ‘n jaar of twee kom raskriteria terug wn dan kan die staat baie maklik daardie wit besighede weer treiter met ras vereistes. Uiteindelik moet daardie besighede dan tog maar toemaak. Wit besighede moet eerder bly wees hulle is uitgesluit van hulp, want daardie selfde “hulp” gaan hulle net eendag in die rug steek

Michael 1

Hulle president ramaposa keur diskriminasie goed,want die media is te bang om hom aan die groot klok te hang.