‘Rasregter’ op spesiale verlof

Mabel Jansen. Foto: Twitter

Mabel Jansen. Foto: Twitter

Adv. Michael Masutha, minister van justisie en korrektiewe dienste, het Woensdag ʼn aansoek goedgekeur om ʼn Pretoriase regter in die hooggeregshof, Mabel Jansen, op spesiale verlof te plaas nadat dit aan die lig gekom het dat sy meen swart mans het ʼn “kultuur” van verkragting.

Mthunzi Mhaga, die minister se woordvoerder, het gesê Masutha het ook ʼn vakature goedgekeur om ʼn waarnemende regter intussen in haar plek aan te stel.

Die Regterlike Dienskommissie (RDK) het Dinsdag bevestig adv. Vuyani Ngalwana, SC, het ʼn amptelike klag in sy hoedanigheid as voorsitter van die Advokate vir Transformasie, asook in sy persoonlike hoedanigheid, teen Jansen ingedien. Die RDK gaan ondersoek instel om te bepaal of Jansen die regterlike gedragskode, waaraan sy onderworpe is, oortree het met haar uitlatings.

Die RDK het verder gesê hy het met Jansen vergader en versoek dat sy op spesiale verlof gaan, hangende die bevinding van die ondersoek. Die RDK het ʼn beroep op die publiek gedoen om die nodige prosesse hul gang te laat gaan.

Maroela Media het vroeër berig ʼn herrie het op 7 Mei op sosiale media losgebars, nadat ʼn private gesprek van 2015 tussen Jansen en Gillian Schutte, ʼn joernalis en aktivis, aan die lig gekom het. Schutte het die gesprek, waarin Jansen haar mening verduidelik oor swart Suid-Afrikaanse mans se beweerde kultuur van verkragting, openbaar gemaak.

Schutte het skermskote geplaas waarin Jansen glo skryf: “In hul kultuur is ʼn vrou daar om aan hulle genot te verskaf. Punt. Dit [seks] word beskou as ʼn absolute reg en ʼn vrou se toestemming is nie nodig nie.” Sy het ook geskryf: “Ek moet nog ʼn swart meisie ontmoet wat nog nie teen 12-jarige ouderdom verkrag is nie. Ek is doodernstig.” Schutte het ook ʼn skakel gedeel waarin Jansen glo soortgelyke uitlatings op ʼn openbare forum gemaak het. Volgens Schutte het sy dit reeds in Junie 2015 by die RDK aangemeld, maar daar het klaarblyklik niks daarvan gekom nie.

Jansen het op 8 Mei op haar Twitter-rekening gereageer deur te twiet: “Wat ek vertroulik aan iemand gesê het, is heeltemal buite konteks geneem en verwys spesifiek na hofsake.”

Lees die vorige berigte oor Mabel Jansen op Maroela Media.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

28 Kommentare

jongste oudste gewildste
Elizabeth

Dit is so jammer

Hendrik

Ek het berig gehoor die regter se man is die naweek oorlede. As dit so is verstaan ek die spesiale verlof.

DG

Feit van die saak is daar is ‘n ongelooflike hoeveelheid verkragtings in sekere areas plaasvind, kyk wat kry ek op wiki “More than 25% of a sample of 1,738 South African men from the KwaZulu-Natal and Eastern Cape Provinces admitted to raping someone when anonymously questioned; of these, nearly half said they had raped more than one person, according to a non-peer reviewed policy brief issued by the Medical Research Council (MRC).[6] Several news publications wrongly extrapolated these results to the rest of the South African population, giving reported rape prevalence several times higher in the two provinces in question.… Lees meer »

Rina Pretorius

Ek wonder hoekom vervolg hulle dan nie die swart vrou wat so jaar of wat terug gese het dat wit man hulle vrouens abuse, hoekom is niks daaraan gedoen nie, ek wonder maar net. Wat goed is vir die een is mos goed vir die ander ook

D

En wat van Gillian. Don’t give her a bells. Sy is waaragtig agteraf. Met so ‘n vriendin het jy ni vyande nodig ni.