Rassie: Bokke wou hoop skep met Wêreldbeker

Die Springbokke vier Cheslin Kolbe se briljante drie. (Foto: APA)

Rassie Erasmus, afrigter van die Springbok-rugbyspan, sê die Bokke wou vir Suid-Afrika hoop bring.

“Ons het begin praat oor wat ‘druk’ vir ons beteken en vir mekaar gesê ‘druk’ is wanneer jy nie ʼn werk het nie of wanneer een van jou geliefdes vermoor word,” het Erasmus Saterdag ná Suid-Afrika se oorwinning oor Engeland in die Wêreldbeker-eindstryd gesê.

Suid-Afrika het Engeland met 32-12 geklop. Erasmus het Saterdag ná die wedstryd met joernaliste gesels oor hoe die span die Wêreldbeker aangepak het.

“In Suid-Afrika is daar baie probleme wat druk veroorsaak en rugby behoort nie ook druk op ʼn mens te plaas nie. Dit behoort vir mense hoop te gee.” het Erasmus gesê. “Ons het daaroor begin praat dat ons die voorreg het om vir mense hoop te gee, eerder as ʼn las om hoop te skep.”

Erasmus sê hoop is nie om te praat oor hoop of ʼn mooi boodskap op Twitter te plaas nie. “Hoop is wanneer jy goed speel en mense na die wedstryd kyk terwyl hulle braai en goed voel na die tyd. Maak nie saak wat jou politieke of geloofsoortuigings is nie. Vir daardie 80 minute stem almal saam oor iets, waar hulle gewoonlik van mekaar verskil.

“Ons het begin glo dat dit ons voorreg is om vir Suid-Afrikaners hierdie hoop te bring. Die oomblik wat jy dit só sien, begin jy soontoe werk en dit is hoe ons hierdie Wêreldbeker aangepak het,” het Erasmus gesê,

Hy en Springbok-kaptein Siya Kolisi het Suid-Afrikaners Saterdag bedank vir hul ondersteuning.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

92 Kommentare

jongste oudste gewildste
AW

DITTO !!

Hagar

Ons Pres het hister gese wys maar net wat goeie samewerking kan bereik en die hoop uitgespreek dat dit op alle terreine kan gebeur. Ja dankie daarvoor ons hoop almal so. Maar Pres daar is n n heel paar berge wat uit die weggeruim moet word. U is natuurlik op hoogte daarvan en ons hoop u gaan nou spoedig en drasties iets daaraan doen!!!!!! Aan Solidariteit en Afri Forum dankie dat julle sulke groot projekte aanpak om hoop te skep. Ons hoop dat daar n dag sal kom dat die ganse volk nasie u op dieselfde wyse sal toejuig as… Lees meer »

Kosie

Sport en veral rugby en krieket is gebruik om die land aan die kommuniste oor te gee. Selfs vandag nog, kyk ook hoe is wyle Joost deur Zuma vereer. Ironies dat rugby ‘n koloniale sport is en koloniale dinge is uit volgens die ANC. Nee, Rassie, ek bly maar my hoop en vertroue op God stel. Rugby gaan my nie van verneukers, ‘n swak ekonomie, droogte, verraaiers en moordenaars verlos nie. En die ou wat gister ‘n probleem was gaan nie na die beker skielik beter wees nie, die wortel lê dieper.

Linda

Fantastiese woorde Rassie, dis hoe dit hoort te wees !!!

Rinkhals

Dalk kan ons in die parlement begin braai dink net hoe gaan ons dan saamstem oor alles. Sport bring mense bymekaar politiek bring tweespalt.