Rassie, Kolisi sê dankie vir Suid-Afrika

Die Sprinbokke vier hul oorwinning teen Engeland tydens Saterdag se Wêreldbeker-eindstryd. (Foto: Verskaf).

Pas nadat die Springbokke die William Webb Ellis-trofee in Japan gewen het, het Siya Kolisi (kaptein) en Rassie Erasmus (afrigter) die span se ondersteuners bedank.

Die Bokke het vandag in Jokohama vir die derde keer Wêreldrugby se gesogte trofee gewen toe hulle vir Engeland met 32 – 12 in ’n aksiebelaaide stryd ore aangesit het.

“Toe die eindfluitjie geblaas het, was ek net dankbaar gewees,” het Kolisi gesê.

“In Suid-Afrika is daar soveel probleme, maar om ’n span soos dié te hê – ons kom uit verskillende agtergronde en is deel van verskillende rasse. Tog het ons as ’n span saamgekom met één doel voor oë en ons het dit bereik. Ek hoop ons kon dit vir die mense van Suid-Afrika gewys het: Ons kán saamwerk as ons iets wil bereik.”

Dit was Erasmus se laaste toets as die Bokke se hoofafrigter, hy sal voortaan weer uitsluitlik op sy rol as SA Rugby se direkteur van rugby fokus.  Hy het gesê dat die span nooit alleen daar in die verte gevoel het nie.

“Ons het soveel boodskappe van al die ondersteuners gekry; ons kan letterlik nie wag om weer terug by die huis te wees nie,” het Erasmus gesê.

Erasmus het bygevoeg dat die span net doodeenvoudig besluit het dat hulle sal saamstaan en hard werk om hul droom te bewaarheid.

“Rassie het net vir ons gesê dat ons nie meer vir onsself speel nie, maar vir die mense by die huis. Ons is lief vir jou, Suid-Afrika. Weer eens, ons kan enigiets doen as ons saamwerk,” het Kolisi afgesluit.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

71 Kommentare

jongste oudste gewildste
Elsabie

Baie geluk!! Jul verdien dit!!

andre

‘n Sterk leier laat die groep wen!

Waar ‘n swak leier is … is die mense verdeeld en hulle trek dwars … en die span verloor!

Laat die ANC leer by die Bokke!

Willieweetals

Dankie vir julle Bokke!

AW

Salute / Saluut !!!

M

Die media en joernaliste is tog so opgewonde. NOU gaan Malema en sy trawante die boere soen en daar sal reenboog unicorns rondloop in Suid Afrika …