Rassis moet óf hoes óf tronk toe

Adam Catzavelos (Skermgreep)

Die veroordeelde rassis Adam Catzavelos is ʼn boete van R50 000 of twee jaar tronkstraf, waarvan vyf jaar opgeskort is, opgelê.

eNCA berig Catzavelos het Vrydag in die Randburgse landdroshof verskyn nadat hy verlede jaar in dié hof skuldig gepleit het op ʼn aanklag van crimen injuria.

Dié sakeman het in die moeilikheid beland toe hy in 2018 ʼn video van homself gemaak het waar hy op ʼn Griekse strand die k-woord gebruik.

Maroela Media het vroeër berig Catzavelos en die Menseregtekommissie (MRK) het in Augustus ʼn skikkingsooreenkoms aangegaan, nadat die kommissie hom van haatspraak ingevolge die Gelykheidswet aangekla het.

Die ooreenkoms behels dat Catzavelos oor ʼn tydperk van 30 maande R150 000 aan ʼn liefdadigheidsorganisasie moet betaal. Dit is bo en behalwe sy boete van R50 000. Hy moes ook om verskoning vra vir sy uitlatings.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

21 Kommentare

Werner ·

Jammer die wet is net op ons van toepassing hulle kan maar se wat hulle wil wonder wat word jy genoem as jy se n boer moet doodgemaak word omdat hy wit is soos heeldag vd poduims af verkondig word hoop hulle gaan ook tronk toe

Erik ·

Mooi man! My een juffrou het altyd gesê: “Stupid people suffer”. Wens net die tipe straf kan konsekwent na alle kante toe toegepas word.

Willem ·

Nou word dié man twee keer gestraf vir dieselfde ding!? Hoe regverdig is dit? Hierdie gekerm oor rassisme en apartheid is net om die aandag van die brouwerk wat deur die swart regeerders aangerig is af te trek.

Boertjie ·

Ek het ‘n vraag. Hy is tot 2 jaar tronkstraf gevonnis, waarvan 5 jaar opgeskort is? Hoe skort hulle 2.5 maal die vonnis op? Of moes die sin lees: Hy is tot 2 jaar tronkstraf gevonnis, wat vir 5 jaar opgeskort is? Vra maar net….

Onnie ·

Boertjie dis doodreg so, dit beteken hy mag vir die volgende 5 jaar nie dieselfde tipe oortreding begaan nie, anders word hy summier opgesluit. Jou parooltydperk is altyd langer as wanneer jy fisies in die tronk sou sit.

Ek voel tog dis bietjie onregverdig, want Adam het dit nie in SA gesê nie. R200 000 is baie geld, en ek sien nie dat die swart rassiste n dooie duit betaal nie.

Chris ·

Dis mos maar wat jy deesdae van beriggewing kan verwag. Niks word meer geproeflees voor plasing nie.

Sean ·

Aan watter liefdadigheids organisasie?? Kan dit SAL of Escom wees of sy eie keuse?

HOOP ·

Mag hy so gaaf wees om “W” woord liefdadigheid te ondesteun .

James ·

Nou wonder ek: As iemand ‘n Go FundMe of PAypal rekening sou open vir die ou , en ‘n R5 donasie vra: – sou daar 10 000 bydraers kon wees?

PieterP ·

Die man is reeds ‘n straf van R150 000 opgelê. Nou word hy weer gestraf vir dieselfde oortreding. Maak nie sin nie, so mwt ander woorde mag hy weer dieselfde ding doen omday hy dubbel gestraf is. Die oortreding het nie eers op Suid Afrikaanse bodem plaasgevind nie so wonder ek baie dinge dan.

Corne123 ·

Ja kyk en die ander kan se wat hulle wil en daarmee wegkom boer kill the boer esv.Gewone mense as daar n lasbrief uitgemaak word gaan jy tronktoe maar die hoe mense nie

Chris ·

Ek maak beswaar teen die beriggewing. Daar is geen wetgewing wat my verbied om nie ‘n rassis te wees nie. Al wat die wet se is dat jy nie rasistiese opmerkings/aanmerkings mag maak nie. Die wet se ook jy mag nie iemand op grond van sy ras benadeel nie. Dis presies net soos Satanisme. Daar is geen wet wat jou verbied om ‘n satanis te wees nie,, maar jy mag net nie sataniese dade pleeg nie. Jul berig plaas te veel druk op die woord rasis wat die ou se reg is om te wees. Jul het geen reg (onder die grondwet) om vir hom te se hy mag nie ‘n rasis wees nie of om na hom as ‘n rasis in ‘n neerhalende hoedanigheid te verwys nie,

Michael ·

Die media is vinnig om mense rasiste te noem maar sou hulle swart wees sal dit polities nie korrek wees en sou hulle te bang wees om dit te doen ….is dit regverdig?

Michael ·

Ek wonder of Rod K…. Die australiese rugby kommentator sou belangstel

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.