Rassisme by Tuks-koshuis ondersoek

Foto: Verskaf

Foto: Verskaf

Die Universiteit van Pretoria (UP) het bevestig dat hy ondersoek instel na rassistiese en uitlokkende opmerkings wat aan ʼn student se koshuiskamerdeur aangebring is.

“The Devil is White = F*ck you” en “Keep calm and bring back the Land mother f*ckers” is op 15 en 17 November vanjaar teen die betrokke student van die Taaibos-koshuis se kamerdeur geskryf.

Jaco Grobbelaar, AfriForum Jeug se Tuks-koördineerder, het gesê hoewel die saak by die koshuisvader aangemeld is, versuim hy om op te tree. “AfriForum Jeug het gevolglik ’n klag by die UP ingedien en eis dat die student wat die opmerkings aangebring het onmiddellik uit die koshuis geskors word en dissiplinêre aksies teen hom gedoen word.”

Anna-Retha Bouwer, woordvoerder van die universiteit, het aan Maroela Media bevestig dat die universiteit bewus is van die voorval en dat daar ondersoek ingestel word. “Afhangend van wat bevind word kan die nodige dissiplinêre stappe volg,” het sy gesê.

Volgens Grobbelaar is dit egter nie die eerste keer vanjaar dat klagtes oor radikale, rassistiese en aanstootlike uitlatings teenoor wit mense op die UP-kampus gebring word nie. “Ons sal graag wil sien dat die UP teen studente optree wat geweld en rassisme op kampus aanhits en op dié wyse die universiteit se beleid verontagsaam. Ons het tot dusver geen universiteitsoptrede met vorige voorvalle gesien nie en eis dat die UP strenger hierop reageer.”

Grobbelaar sê voorts dat die betrokke student ’n lid van die Economic Freedom Fighters Students’ Command (EFF SC) op kampus is en dat daar al verskeie klagtes teen lede van dié organisasie gemaak is.

“’n Koshuis is veronderstel om ’n veilige hawe te wees waar studente kan leer, leef en aan ’n gesonde studentelewe kan deelneem sonder om met politiek en rassisme gekonfronteer te word,” het Grobbelaar gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

22 Kommentare

jongste oudste gewildste
Alida

Miskien moet ons dieselfde doen dan sal jy sien hoe spring hulle op en af.

Jan

Maak maar eers seker deur ‘n handskrif deskundige.

Penellope Jones

Plaas dit asb op die Engelse media.

Mel

Dis deesdae di mees algemeenste woord “rassisme” maar Ja dit mag net ontstaan onder sekere rasse, stem saam jou Anel

Maddox

Ek daag die knaap uit, noem my asb in my teenwoordigheid ‘n M…F…r, en ek belowe jou, ek sal jou so hard ry vir lastering en naamskending jou kleinkinders sal nog eendag afbetaal aan daai eis.
Miskien moet Afri/Sol so tipe klas aksie oorweeg. Dagvaar die wit hel uit hierdie klomp, en op die einde van die dag kan julle die geld gebruik om weer ‘n arm blanke kind geleentheid te bied om te studeer.
Neewat genoeg is genoeg, so kan dit nie aangaan nie!!!!!