‘Rassisme’ kry aandag by private skool

Devon Hofmeyr, een van die stigterslede van dié jeugbeweging, sê hulle wou die boodskap oordra dat skole nie gepolitiseer moet word nie (Foto: Verskaf)

Die private skool Cornwall Hill College in Centurion het Donderdag met die Suid-Afrikaanse Menseregtekommissie (SAMRK) vergader om te bespreek hoe die skool transformasie en diversiteit in die skool kan bevorder. Dit volg nadat ’n groep ouers verlede Vrydag by die skool se jaarlikse gholfdag betoog het teen die beweerde gebrek aan transformasie en diversiteit by dié private skool.

Maroela Media het vroeër berig ouers en oudleerders is glo onder meer ongelukkig omdat die oorgrote meerderheid van personeel by die skool sowel as die beheerliggaam wit is. Die skoolhoof sowel as die voorsitter van die beheerliggaam se bedanking word ook geëis. Daar is ook ongelukkigheid omdat sommige leerders oor hul haarstyl aangespreek is.

Luidens ʼn verklaring uitgereik deur die skool, het sy leierskap en die SAMRK breedvoerig gepraat oor die werk wat reeds by die skool gedoen is ten opsigte van transformasie en diversiteit. Hulle het ook maniere bespreek waarop die skool die SAMRK se dienste en kundigheid op hul transformasiereis vorentoe kan gebruik.

Na afloop van die vergadering het die SAMRK en die skool ooreengekom dat die kommissie as onafhanklike derde party onderhoude sal voer met leerders, personeel, bestuur, die raad van direksies en ouers, om sodoende die hoofoorsake van die betrokke partye se bekommernisse te verstaan.

“Die SAMRK en die skool se bestuur sal eersdaags weer vergader om die reëlings rondom hierdie onderhoude te bespreek en om te verseker dat die skool se daaglikse aktiwiteite minimaal onderbreek word. Sodra die SAMRK die nodige kwalitatiewe data versamel het, sal hy sy aanbevelings met die skool deel, sodat hy enige oorblywende kwessies of probleme kan oplos,” lui die verklaring.

Die skool het ook gevra vir insette van die SAMRK om sy beleid, prosedures en gedragskode vir leerders te hersien.

Die Bittereinders-jeugbeweging meen ook ʼn skool diskrimineer nie teen ʼn persoon deur dissipline toe te pas nie (Foto: Verskaf)

Intussen het die Bittereinders-jeugbeweging Vrydagoggend voor die skool plakkate opgehou, waarop hulle gevra het dat politiek uit skole gehou word. Dié groep meen ook ʼn skool diskrimineer nie teen ʼn persoon deur dissipline toe te pas nie.

Devon Hofmeyr, een van die stigterslede van dié jeugbeweging, sê hulle wou die boodskap oordra dat skole nie gepolitiseer moet word nie.

“Baie ouers en leerders is bang om iets te sê, maar ons het besluit om hul stem wees! Ons sal opstaan teen ongeregtigheid en intimidasie,” het Hofmeyr gesê.

Volgens die skool se bestuur het hy begin met die ontwerp van ʼn diversiteitsprogram wat in die volgende paar maande aan leerlinge bekendgestel sal word.

Skoolhoof Leon Kunneke het opgemerk dat die skool absoluut daartoe verbind is om ʼn   deelnemende en deursigtige transformasieproses deur te voer.

“Ons besef die belang daarvan om openlik en eerlik te wees oor ʼn saak wat só belangrik is vir ons skool en vir die land. Ons sal dus gebruik maak van die insette van ʼn verskeidenheid kundige vennote en adviseurs om die padkaart vir ons transformasiereis vorentoe te ontwerp,” het Kunneke gesê.

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

27 Kommentare

jongste oudste gewildste
Zet

Ek kan my oë ni glo ni. Dis ‘n private skool opgebou met private geld wat sy eie reëls maak. Nie belastinggeld nie! As jy by dié skool wil leer dan val jy in by hulle reëls. Moeni registreer en daarni ni happy wees en toitoi om reëls te change na jou voorkeur nie. Verregaande. Voertsek! Soek anner skool of stig jou eie met jou eie reëls. Absoluut belaglik!

Misky

Ek kan en mag nie sê wat ek wil nie en sal nie geplaas word nie. Sekerlik het daai ontevrede ouers dokumente by skool geteken toe hulle GEVRA het om daar aan te sluit, so dis kragtig. Jy het gehou van die skool en reels, so as jy nie tevrede is nie, dan gaan jy. Vat jou plakkate en gaan na ‘n skool met jou standaarde en waardes

Dup

Transformasie in SA beteken: alles wat wit is moet swart word en alles wat opgebou is moet afgebreek word.

Jeff

Hierdie rassisme verskoning word nou n groot grap en is so flou. As julle dit nie like maak en bou jou eie skole.

Jacobus

Belaglik! Plek dat die mense kyk na die onregte en blatante pundering wat gepleeg word onder die vaandel van die pandemie. Sê vir Lesufi hy moet na Solidariteit gaan vir ‘n padkaart na ordentlike onderwys.