‘Rassiste nie hier welkom’

Mmusi Maimane. Foto: DA

Mmusi Maimane. Foto: DA

Mmusi Maimane, die leier van die DA, het Dinsdag gesê rassiste moet nie eens die moeite doen om vir dié party te stem nie.

Hy het ʼn skare by die Apartheidsmuseum in Johannesburg toegespreek en gesê daar is nie plek vir rassiste in die party nie.

“Rassiste is nie welkom in die DA nie. As jy daaraan dink om vir die DA te stem en jy is ʼn rassis, moet asseblief nie vir ons stem nie,” het hy gesê. “Ons het ʼn plig om op te tree teen mense wat betrokke is by rassediskriminasie en -mobilisering. Daar is nie ʼn plek in die DA vir mense wat glo hul velkleur verhef hulle bo ander nie. Geen DA-lid moet tevrede wees totdat ons nie die strukturele ongelykheid in ons samelewing fundamenteel aangespreek het nie. Geen DA-lid moet ooit ʼn blinde oog na rassisme draai nie, maak nie saak hoe subtiel dit mag wees nie.” Sy toespraak is met luide applous verwelkom.

Hy het gesê hy gaan binnekort ʼn rassisme-eed bekend stel wat deur elke lid onderteken moet word as hulle by die party aansluit. Die eed vereis van die ondertekenaar om die waardes van die land se grondwet te handhaaf, diskriminasie te verwerp en ooreen te kom om nie rasseverdeling te laat voortbestaan of die waardigheid van ander te ondermyn nie.

Klik hier om sy volledige toespraak te lees.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

73 Kommentare

jongste oudste gewildste
Ian

Is dit nou rassisme in beide rigtings of slegs die eensydige rassisme soos gesien deur die ANC wat hier van toepassing is? Het Mmusi homself nie ook hieraan skuldig gemaak na sy aanmerkings laasweek nie? Tatta DA.

Schalk

Nuusflits!!!! Julle gaan geen kiesers by die stembusse he nie.

pieter

Soos verwag,klei en yster sal nooit meng nie

CR

Aag nee, nou mag ek nie meer vir die DA stem nie.

Chris W

Nou wil die DA hom voordoen as “nie-rassistes” nie? Wat ‘n grap!Kyk maar in hul handves – hulle is VIR regstellende aksie ,VIR naamsveranderinge,VIR afskafiing van afrikaans ens ens.!!Ag nee wat wie dink hulle lieg hulle voor?NET HULSELF!!Ha-ha!