‘Rassistiese opmerkings verdeel SA’

rassisme mnn_com

Grafika; mnn.com

Die Menseregtekommissie het Maandag aangekondig hulle gaan die beweerde rassistiese uitlatings wat Chris Hart, Penny Sparrow en Justin van Vuuren op Twitter gemaak het, ondersoek.

Isaac Mangena, woordvoerder van die Menseregtekommissie, het gesê hulle is bekommerd oor die uitlatings wat op sosiale media gemaak is. “Mense is welkom om ander klagtes ook in te dien, indien hulle aanstoot geneem het.”

Sparrow het die naweek op Facebook swart mense met “ape” vergelyk wat “strande bemors”. Ná openbare teenstand teen haar uitlatings, het sy teruggekap en gesê sy is nie ʼn rassis is nie en “help minderbevoorregtes van alle bevolkingsgroepe”.

Hart, ʼn bekende ekonoom verbonde aan Standard Bank, het in die pekel beland oor ʼn twiet waarin hy gesê het “Meer as 25 jaar ná Apartheid, vermeerder die aantal slagoffers, tesame met ʼn gevoel van toe-eiening en haat jeens minderhede.”

Intussen het Van Vuuren ook ‘n herrie ontketen oor uitlatings op Facebook teenoor strandgangers in Durban gedurende die feesseisoen. “Hierdie mense moet teruggaan waar hulle vandaan kom, met hulle 13 kinders. Ons strande behoort nie deur die skuim van ons land gebruik te word nie.”

Zizi Kodwa, woordvoerder van die ANC, het intussen gesê Sparrow en Hart se uitlatings is polariserend. “Ons het groot vordering gemaak om ons samelewing te bou en rassisme deur groepe of individue kan nie toegelaat word nie,” het Kodwa gesê.

Die ANC Jeugliga het by monde van hul nasionale woordvoerder, Mlondi Mkhize, uitgevaar teen rassistiese opmerkings. “Ons was as land lank genoeg geduldig met rassiste wat sout in die wonde van ʼn samelewing wat probeer herstel van sy traumatiese verlede, vryf,” het Mkhize gesê.

Mkhize het verder gesê swart mense is deel van Afrika en “jy sal hulle (swart mense) elke dag in jou doen en late teëkom”. Haatspraak kan volgens Mkhize nie langer geduld word nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

44 Kommentare

jongste oudste gewildste
Nick

Geld rassisme dan ook vir Julius Malema wat “one bullet, one boer” sing en wittes “f…… as…….e” noem?
Ek vra maar net.

Yahleda Ihlathini

Ja Nick. Ons sal nou sien of almal onder dieselfde kam geskeer word. Rassisme kan mos eintlik net aan een kant gevind word

Piet Pompies

Ek stem heeltemal saam dat daar nie plek is vir rassisme in Suif Afrika, maar wie gee die huidige regering die reg om wit mense uit te sluit in enige ontwikkeling en ondersteuning. Hiermee verwys ek na verskeie ministers se uitlatings dat net sekere etniese groepe kwalifiseer vir ontwikkeling. Dit is mos ‘n program wat op ras gebasseer is veral as mens kyk na die tydperk van meer as 20 jaar wat die ANC aan bewind is.

martin

Ek dink ons land het groter probleme wat baie meer aandag moet trek as een opmerking wat iemand maak. Hoekom word die land se groot probleme ook met soveel woema en geesdrif aangepak nie?? Is dit omdat die dame ‘n sagte teiken is?
Dit is seker groter en baie meer werk om die Rand onder beheer te bring, Krag in die land uit te sorteer en werkskepping te bewerkstellig. As iemand my ‘n Aap noem is dit sy opinie en dit pla my nie. KOM ONS KRY NET FOKUS IN DIE LAND MENSE!!!!!

Danie

Waarom is dit net die een kleurgoep wat as rassiste uitgekryt word? Skynbaar kan die ander groep nie rassiste wees nie al sê hulle die verskriklikste goed. Skynbaar is dit hulle reg agv sogenaamde sondes van die verlede. Is net een groep rassisties en sondig en die ander groep net goed en reg?…. . Dis regtig belaglik! Iewers sal iemand se oë moet begin oopgaan.