Redakteurs wil dringend met EFF praat oor dreigemente

Julius Malema tydens ‘n perskonferensie.

Die Suid-Afrikaanse Nasionale Redakteursforum (Sanef) wil ʼn dringende vergadering met die leierskap van die EFF versoek ná dreigemente in die sosiale media en op politieke saamtrekke deur die partyleier, Julius Malema, en ander leiers jeens meestal vrouejoernaliste.

“Die afgelope week het Malema talle verslaggewers by die naam genoem en ʼn beroep op EFF-ondersteuners gedoen om ‘beslissend met hulle af te reken’,” het Sanef Saterdag gesê ná sy laaste raadsvergadering van die jaar.

“Ná Malema se aanmerkings het ons gesien hoe sommige joernaliste te lyf gegaan word en in die sosiale media sleggesê word,” sê Sanef. “ʼn Verslaggewer is gedreig buite die lokaal waar die Zondo-kommissie [van ondersoek na staatskaping] sit en waar Malema sommige dreigemente gemaak het.

“In ʼn afsonderlike voorval het drie mans ʼn senior redakteur voorgekeer, wat haar naam uitgeroep en haar getart het terwyl sy inkopies gedoen het.”

Die forum sê stappe moet gedoen word om onaanvaarbare, opruiende aanmerkings deur Malema en ander hoë koppe in die EFF stop te sit. Dié gevalle is maar enkele voorbeelde van ʼn reeks neerhalende aanmerkings en dreigemente deur politici jeens joernaliste wat nie geduld kan word nie.

Daar bestaan ʼn werklike gevaar wanneer sulke dreigemente uit die kuberruimte beweeg en fisieke dreigemente word.

“Daar bestaan ʼn werklike gevaar wanneer sulke dreigemente uit die kuberruimte beweeg en fisieke dreigemente word,” meen Sanef. “Kritiek is deel van die demokrasie, maar haatspraak en seksueel mishandelende dreigemente aanlyn en afknouery is buite orde. Dit kan joernaliste se lewe in gevaar stel.

“Dit het ook ʼn verlammende uitwerking in nuuskantore, waar veral jonger verslaggewers bang en geïntimideer voel en dus kritiese beriggewing oor politici staak.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

48 Kommentare

jongste oudste gewildste
Johann

Julle behoort in die tronk te wees

Johann

Hulle behoort in die tronk te wees

Tydmors

Redakteurs mors ook weereens hulle tyd. Gee EFF net lugtyd. EFF het na my mening teen alles oorlog verklaar wat nie rooi ondersteun nie.. hy sê hy het “guns” en praat van wittes wat hy gaan “crush” ons is net te slap om dit te verstaan. Hy is op n missie en niemand gaan hom stuit nie.

Asterix

Sluit hom toe. Maar hy het mos nou polisie wat mooi na hom kyk. Hy mag dreig maar as iemand hom dreig dan kyk die ANC gov na hom. Hoekom wil hulle met hom praat? Maak ‘n saak teen die man. Hy sal nie luister nie.

Lag lekker

Wat klae julle nou so dit is mos wat julle wou he skryf oor die onderdrukte volkie en vee hulle boudjies af maar o wee ons wil ni seer kry nie (gelukkig het ek geleer jy vertrou geen. Dit is wat my geskiedenis my geleer her)