Redes vir reuse Jhb-treinongeluk bekendgemaak

Dipuo Peters, die minister van vervoer, Maandag tydens die mediakonferensie. Foto: Elmond Jiyane, GCIS

Dipuo Peters, die minister van vervoer, Maandag tydens die mediakonferensie. Foto: Elmond Jiyane, GCIS

Dipuo Peters, minister van vervoer, het Maandag gesê ʼn gebrek aan instandhouding, menslike faktore en swak kommunikasie was die oorsaak van die Johannesburgse treinongeluk in April verlede jaar waarin een persoon dood en 240 beseer is.

“Die bevindinge van die ondersoek na die ongeluk is sistematies en sluit die volgende in: ʼn gebrek aan instandhouding, oneffektiewe kommunikasie, menslike foute en die ondoeltreffende toewysing van kapitale besteding,” het Peters gesê.

Maroela Media het voorheen berig die ongeluk by die Denver-treinstasie in die suide van Johannesburg het plaasgevind toe een trein van agter teen ʼn ander gebots het. ʼn Veiligheidswag in een van die treine is in die ongeluk dood, terwyl die bestuurder van die ander trein tussen ʼn trein en ʼn muur vasgepen was. Sy het die ongeluk oorleef, maar herstel steeds van haar beserings, het Peters gesê.

Peters het verduidelik dat albei treine die oggend by die Pretoria-stasie weg is, onderskeidelik om 06:00 en 06:15. Die eerste trein het kort daarna by seinnommer DN11 by die Denver-stasie stilgehou omdat die bestuurder nie duidelik kon sien wat op die sinjaal staan nie. ʼn Gevaarteken het die sinjaal glo blokkeer.

Die treinbestuurder was nog besig om te probeer om die George Goch- gesentraliseerde verkeerskantoor te bereik toe die tweede trein van agter teen die stilstaande trein gebots het.

Peters het gesê die spoorwegdiens in Suid-Afrika “moet heeltemal oorgedoen word” om te verseker dat passasiers ʼn effektiewe en veilige ervaring op treine kan hê. Volgens Peters het die Passasierspooragentskap (Prasa) ʼn R172 miljard-projek in 2013/14 van stapel gestuur om die spoorweë te moderniseer.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

18 Kommentare

jongste oudste gewildste
Johan du Plooy

Hier kom die volgende skandaal.
Treinkoop was maklik in vergelyking met die moderne beheerstelsels .
Hoop hulle het die wysheid om die instandhoudingstegnici saam te kry

Mossie

My “groot woord” ek dog nog die heeltyd dis rassisme en apertheid se skuld

Wat-ek-lees

Nerens erens iets van die opleiding. Ek glo dat dit ordentlik gedoen was.
Mettertyd sal met stampe en stote alles reggestel word . . .

anna

Hoe opgelei was die treindrywer.Wys ons die kwalifikasies.Dalk.graad 3 met n vervalste matriek sertifikaat?

Topster

Anna ek stem saam daai vervalste matriek maar dis die een ding want dis n matriek en ja ek is ook vreeslik verbaas dis nie weer ou Jan van Riebeeck se skuld nie so draai die wiel stadig al is dit n yster wiel