Reeksmoordenaar glo aktief in Pretoria

ʼn Reeksmoordenaar, wat glo verantwoordelik is vir die verkragting en moord van ten minste tien tieners, word deur ʼn groep speurders in Pretoria gesoek, het Times Live Woensdag berig.

Volgens die berig is ʼn volle soektog na die moordenaar van stapel gestuur omdat daar vrese bestaan dat hy meer meisies kan verkrag en vermoor. Die polisie het drie weke gelede bewyse tussen onderskeie moorde, wat vermoedelik reeds van 2004 af gepleeg is, aan mekaar begin verbind nadat hulle ʼn liggaam in East Lynne in Pretoria gevind het.

‘n14-jarige meisie wat in 2004 verkrag, vermoor en haar liggaam in Sunnyside gestort is, is na bewering die moordenaar se eerste slagoffer.

Volgens polisiebronne weet hulle nie veel van die moordenaar se modus operandi nie, maar dit wil voorkom of hy tieners van Pretoria se noordelike en oostelike voorstede teiken. Die liggame van die slagoffers is almal vasgebind en in die veld naby riviere en stroompies regoor die stad gevind.

Volgens die berig moet die polisie nog ʼn profiel van die moordenaar saamstel, maar vrees hulle as hy nie gou vasgetrek word nie, die slagting van jong meisies sal voortduur.

ʼn Bron wat by die ondersoek betrokke is, het aan die koerant gesê die slagoffers, waaronder een seun, is almal tussen die ouderdom van 14 en 19 jaar oud. “Ons is bewus van hierdie tien slagoffers, maar daar mag dalk baie meer sake aan dié moordenaar verbind word,” het die bron gesê.

Die liggame van vyf tienermeisies is onlangs in ʼn oop veld in Eersterust opgespoor. Eersterust grens aan East Lynn. Die polisie ondersoek of dié tieners se moorde aan die reeksmoordenaar verbind kan word, wat dan die lys van slagoffers tot 15 sal verhoog.

“Ons weet dat daar ʼn reeksmoordenaar aktief is in Pretoria. Ons is besig om deur ons argiewe en databasisse te gaan om uit te vind of daar meer sake is wat met vermiste tieners verband hou. Ons wag ook nog vir die uitslae van forensiese toetse om te bepaal of van die sake aan mekaar verbind kan word. In die stadium weet ons nie veel van sy aanvalle nie, behalwe dat dit plaasvind as die tieners ná skool huis toe gaan,” het die bron gesê.

Lees meer hier.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

4 Kommentare

jongste oudste gewildste
Willy

Ek hoop hierdie monster word baie gou vasgetrek.

Annamarie

Se jy Willy .Wat besiel die moordenaar om meisie van daai ouderdom dood te maak.Hulle moet hom vas trek en dan aan die publiek uit te wys wie hy is.Deur hoeveel emosies moet die ouers gaan.Die wereld daar buite is van dag baie wreed.Geen mens of kind is nie meer veilig nie.Ewe helder oor dag gebeur al hierdie dinge.