Reeksverkragter swaar gestraf

Argieffoto

Argieffoto

ʼn 29-jarige reeksverkragter is tot amper 200 jaar tronkstraf gevonnis.

Brig. Selvy Mohlala, woordvoerder van die polisie in Mpumalanga, het gesê Nunu Nkosinathi Nkabinde is Vrydag in die hooggeregshof in Kwaggafontein tot 196 jaar tronkstraf gevonnis.

Die hof het gehoor dat Nkabinde en twee makkers tussen 2010 en 2014 ʼn skrikbewind in Kwaggafontein, Vlaklaagte en Tweefontein gevoer het. Die drie het vroue tussen die ouderdomme van 18 en 20 oorval, hul klere uitgetrek en dan om die beurt verkrag. Die slagoffers is ook hierna beroof.

Volgens Mohlala was van die slagoffers se kêrels geforseer om toe te kyk terwyl hulle verkrag is. Nkabinde is op 14 Augustus 2014 in hegtenis geneem. Hy is positief verbind aan agt sake van verkragting, agt sake van roof met verswarende omstandighede, twee van roof sowel as drie ander aanklagte.

Nkabinde is op sewe van die verkragtingsake tot lewenslange tronkstraf gevonnis en 15 jaar tronkstraf op die agtste verkragtingsaak. Die lewenslange vonnisse sal gelyklopend uitgedien word. Op die agt aanklagte van roof met verswarende omstandighede is Nkabinde tot ʼn totaal van 120 jaar tronkstraf gevonnis. Hy is tot ses jaar tronkstraf gevonnis op die ander aanklagte.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

10 Kommentare

Tiger ·

Waarom mag hy die lewenslange vonnisse gelyklopend uitdien?Dis nie regverdig nie.Hy moet nooit weer uit die tronk gelaat word vir wat hy gedoen het nie.

HFC ·

Ek stem saam, kan nie verstaan wat die doel is om soveel jare vonisse op te lê as dit nie toegepas word. Ek kan nie onthou dat ek al ooit gesien het dat die tipe van opleggings NIE samelopend was.

Vicus ·

Die berig is misleidend. Sodra enige ander vonnis opgelē word, lewenslank of bepaalde vonnisse, is dit samelopend. Hy sal dus na 25 jaar vir parool kan oorweeg word. Waarom die regter hpm nie bloot 200 jaar gevonnis het nie, weet ek ook nie!

Lewies ·

Regters is gebonde aan wetsvoorskrifte. Art 276B van die Strafprosesreg se effek is dat geen persoon langer as 25 jaar effektiewe gevangenisstraf opgelê mag word nie, maak nie saak watter vonnisse by meerdere misdade opgelê word nie. Hy is ook geregtig op parool as hy twee derdes van sy vonnis uigedien het, of na 25 jaar, welke ookal die kortste is. Die regter is by magte om ‘n periode vas te stel waarbinne die veroordeelde nie op parool geregtig sal wees nie. So’n bevel word tipies gemaak in gevalle van veroordeling weens meerdere misdade.

Boertjie ·

Moordenaars of verkragters of plaas aanvallers al wat gaan help is n tou!!!

Pierre Celliers ·

Gratis blyplek en kos vir die res van sy lewe waarvoor ek en jy betaal!
Hy’s gewoond aan ‘n plakkers hut, so hy glimlag al die pad na sy nuwe tuiste!!
Watse “straf”is dit??????!!!

Tess ·

Jy het iets vergeet. As hy daar uitkom kwalifiseer hy vir die parlement. N minister of staats president pos

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.