Suid-Afrikaners kan hierdie naweek reën verwag, weens ʼn kouefront.
Die tropiese storm Eliakim het die noordoostelike kuslyn van Madagascar bereik met sterk wind, reën en rowwe seetoestande wat hierdie naweek in dié gebied verwag word. Die reën sal na verwagting in die gebied toeneem, weens die bergagtige topografie van dié land met ʼn beduidende risiko vir grondstortings en oorstromings, het Hannelee Doubell, woordvoerder van die Suid-Afrikaanse Weerdiens, in ʼn verklaring gesê.
Volgens Doubell sal Eliakim nie Suid-Afrika se kuslyn tref nie, maar ʼn kouefront (wat nie met die tropiese storm verbind word nie), is op pad na Suid-Afrika met kouer, vogtige lug wat na verwagting koue toestande en welkome reën Saterdag sal bring na die oostelike binnelandse gebiede (insluitend die Hoëveld).
Droër toestande word vanaf Maandag in die land verwag.
Lekker, ons sê nooit nee vir die reën nie. Sal beter gewees het as dit in die Kaap provinsie ook so kan reën.
Ek dog ‘n warm front bring reën. Soveel vir my aanhangers wat dog ek is slim.
Meeste van die tyd SA Weerdiens snert. Ek gebruik eerder ander betroubare bronne.
5:25. Dit reën nou in Ellisras. Prys die Here. Ek is een van die wat nie gedink het dit sal reën nie.