Reënweer duur nog ‘n week lank voort

Die kruising tussen Rabieweg en John Vorsterrylaan in Centurion, Maart 2014 Foto: @sinful_allure, Twitter

Die kruising tussen Rabieweg en John Vorsterrylaan in Centurion, Maart 2013 Foto: @sinful_allure, Twitter

Foto’s van vloede in Gauteng volg onderaan die berig.

Die Suid-Afrikaanse Weerdiens het Donderdag gesê reënweer sal na verwagting oor die volgende sewe dae in sommige dele van die land voortduur.

“Dit word veroorsaak deur warm, vogtige tropiese lug van die noorde,” het Dransby Dulo, ʼn weervoorspeller by die Weerdiens, gesê. Gebiede wat die meeste hierdeur geraak gaan word sluit Gauteng, Limpopo, Mpumalanga, Noordwes, KwaZulu-Natal en die noordelike gedeelte van die Vrystaat in.

Dulo sê daar is Donderdag en Vrydag ʼn 80% kans vir donderstorms in Gauteng, Limpopo en Mpumalanga. “Dit kan moontlik tot vloede lei,” het Dulo gesê. Dié gebiede het ʼn 60% kans op donderstorms oor die naweek. “Die reënweer behoort binne die volgende sewe dae op te klaar.”

Nana Radebe, woordvoerder van Gautengse nooddienste, het Donderdagoggend gesê daar is deur die loop van die aand geen nuwe vloedverwante voorvalle in Johannesburg aangemeld nie.

Wayne Minnaar, hoof superintendent van die Johannesburgse metropolisie, het gesê watervlakke op paaie in Johannesburg het teen Donderdagoggend gesak en geen nuwe padoorstromings is aangemeld nie.

Johan Pieterse, woordvoerder van Tshwane nooddienste, het Donderdagoggend gesê die nooddienste bly op bystand in Tshwane tydens die reënweer. -SAPA

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

4 Kommentare

Suné van Heerden ·

Dagsê Michele

Dankie dat jy ons daarop gewys het. Ons het die foto verander.

Groetnis
Suné van Heerden
Maroela Media

Mias Olivier ·

Ek reageer ivm die artikel oor die oorstromings in die Kuger Park. Ek wil neet weet waar kom die skrywer aan die naam Laer Sabie? Dit is alom bekend dat die snobs praat van Laer Sabie. Dit is ‘n direkte vertaling van die engelse naam, Lower Sabie. Asseblief, dit is Onder Sabie. Ja, dit maak saak dankie. Deur die jare het mense verskye name in die geskiedenis verkeerd uitgespreek, en dit het dan later die norm geword sodat baie oorspronklike plek name verkeerdelik verander het.

CM du Plessis ·

Die datum van die hooffoto by die opskrif is word as Maart 2013 gemeld. Is dit nie veronderstel om 2014 te wees nie?

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.