Referendum oor grondonteiening sonder vergoeding teengestaan

grond plaas boer trekker

Argieffoto (Pixabay)

Die Demokratiese Alliansie staan die ANC se versoek teen om ʼn referendum te hou oor grondonteiening sonder vergoeding.

Mbali Ntuli, koukuswoordvoerder van die DA in KwaZulu-Natal, het gesê die DA staan die ANC se versoek teen vir ʼn referendum of grond sonder vergoeding onteien moet word.

Die Mercury-koerant het Vrydag op sy voorblad berig dat die DA se koukusleier, Francois Rodgers, klem gelê het daarop dat die DA breë konsultasie ondersteun om ʼn werkbare oplossing te vind wat grondhervorming betref en het verder die DA se beswaar aan die lig gebring oor ʼn referendum wat gebruik kan word om ʼn spesifieke politieke agenda te dryf.

“Dit is hoegenaamd nie nodig om ʼn referendum te hou oor grondonteiening sonder vergoeding nie,” het Ntuli gesê. “Ons geskiedenis, waar mense van grond ontneem is weens hul ras, moet aangespreek word. Ons Grondwet is ontwerp om hierdie onmenslike nalatenskap aan te spreek.

“Suid-Afrika se Grondwet is nie ʼn struikelblok tot grondhervorming nie; dit is ʼn noodsaaklike bestanddeel om ʼn vooruitstrewende samelewing te bou op die wet. Die Grondwet noop die regering om stappe te doen om mense of gemeenskappe te help om grond te besit op ʼn manier wat regverdig is vir alle Suid-Afrikaners.

“Die regte rede waarom grondhervorming stadig gebeur, is omdat grondhervorming gebruik word om korrupte ooreenkomste met politieke vriende aan te gaan en die meerderheid Suid-Afrikaners uit te sluit van toegang tot grond, in plaas daarvan dat daar met programme begin is wat Suid-Afrikaners sou bevoordeel, soos artikel 25 van die Grondwet voorskryf,” het Ntuli bygevoeg.

“ʼn Skoon, deursigtige en regverdige grondhervormingsprogram kragtens die Grondwet is die oplossing – geen referendum is daarvoor nodig nie,” het Ntuli gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

26 Kommentare

jongste oudste gewildste
Bittereinder

Natuurik wil die ANC n referendum hê wat dieselfde noodlottige uitslag sal hê as die ’94 verkiesing. Daarbenewens sal hulle dan die legitimiteit van n referendum hê om agter te skuil.

Bielie

Grond onteiening is op ons.

Hou sommer ‘n referendum oor die doodstraf ook.

Johann

Die hele Transkei, Ciskei, dele van Limpopo en KZN tot die Anc se beskiking as hulle dan grond en plase wil vat

Boland

Julle gaan meer probleme he as julle grond wil vat.Dis nie die San nie.

Johan. H.

Try !!!!