Regering befonds steeds net swart nagraadse studente

studentebetogings 2015 feesmustfall fees must fall

#FeesMustFall-studentebetogings in Oktober 2015.

Tussen 70% en 90% van studente wat tydens die vorige boekjaar finansiering vir nagraadse studie ontvang het, was swart. Nietemin dring die departement daarop aan dat rasgeteikende befondsing vir studente steeds nagejaag word.

So het Buti Manamela, adjunkminister van hoër onderwys, wetenskap en tegnologie, tydens Dinsdag se sitting van die parlementêre portefeuljekomitee vir hoër onderwys gesê. Dit is tydens die sitting bevestig dat die Nasionale Navorsingstigting daarna mik dat 80% van alle nagraadse studente wat befonds word, swart moet wees en 55% daarvan vroue.

Op honneursvlak was 90,7% van die studente wat in die 2018-’19-boekjaar befonds is, swart en 59,2% vroue. Op magistervlak was 79,3% van studente swart en 57,7% vroue en op doktorale vlak 75% swart en 51,8% vroue wat befonds is.

“Hierdie syfers toon aan dat drie van die mikpunte vir befondsing reeds oortref word, terwyl die ander drie naby daaraan is. Die VF Plus betreur dus hierdie standpunt,” sê dr. Wynand Boshoff, VF Plus-woordvoerder vir hoër onderwys.

Dit het tot ’n vraag van die VF Plus gelei om uit te vind of bevoordeling van aangewese groepe gestaak gaan word om te verhinder dat nuwe wanbalanse geskep word.

Manamela se reaksie op die vraag was dat hul teikens bereik het, maar nog nie aan die vraag na befondsing van swart studente voldoen het nie.

“Die VF Plus beskou dit as ’n duidelike teken dat die ANC-regering geen plan het om nou of in die toekoms van rasgegronde teikens afstand te doen nie. Dit herbevestig die noodsaaklikheid vir Afrikaners en ander minderhede om na hul eie opleiding en toekoms om te sien,” sê Boshoff.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

36 Kommentare

jongste oudste gewildste
Elvira

Hulle noem dit DEMOCRACY.

sweis

Dit is hoekom dit so belangrik is om deur onderhandeling en druk vanaf die buiteland so gou moontlik n onafhanklike tuisland te kry,hierdie is diskriminasie gebaseer net op velkleur.

HEVW

Ek verwerp die laaste sin van Boshoff dat die blankes self n plan moet maak om na hulself om te sien. Die regering word gans te veel met versigtige woorde en sagte handjies gehanteer en dit bring mee dat hul steeds met onreg voort stoom. Nee dit is n saak van dringendheid dat hierdie skrynende onreg gestaak moet word. En die regering word n beperkte tyd gegee om hierdie onreg te hanteer en antwoord te gee.

Johann

Imagine hoe dit moet voel om nie die BESTE of HARDWERKENDSTE te wees nie. Bloot net SWART genoeg. Geen wereldklas vergelyking of standaarde nie…bloot jou ANC assosiasie via jou swart vel? Shame…

JohanR

Jy weet ons kom van sterk Voortrekker saad, en ek glo ‘n blanke sal altyd ‘n plan maak. Net soos ‘n boer op ‘n probleem afkom, en dan ‘n plan maak, soe sal ‘n blanke student ‘n plan maak. As dit moet sal hulle 12 – 16 ure as ‘n kelner werk, en dan nog gaan studeer, net om op die einde van die dag graad te vang. Dink nie Afrikaaners was nog ooit bedelaars nie, soe niemand gaan hierdie regering se gat lek vir geldelike hulp nie.