Regering bou huis vir Coligny-seun se familie

Daniel Buthelezi, burgemeester van die Ditsobotla-munisipaliteit, by die sooispit-seremonie. Foto: Stringer/ANA.

Die Ditsobotla plaaslike munisipaliteit gaan ʼn huis bou vir die gesin van Matlhomola Jonas Mosweu, die 16-jarige seun van Coligny wat dood is nadat hy na bewering van ʼn bewegende bakkie afgegooi is.

“Ons koop hulle nie om nie, ons is in ʼn proses van genesing. Die grootte van die huis is nog nie bepaal nie,” het Daniel Buthelezi, burgemeester van die munisipaliteit, by ʼn sooispit-seremonie gesê.

Mosweu se familie sal dus van die Scotland-nedersetting na Gerdoren-park in die dorp verhuis.

Pieter Doorewaard (26) en Phillip Schutte (34) word van die moord op Mosweu, wat op 20 April dood is, aangekla. Die staat beweer die mans het Mosweu agterop ʼn bakkie gedwing voordat hulle hom later van die bewegende bakkie afgegooi het. Die seun is kort hierna aan sy beserings dood.

Die twee beskuldigdes ontken dat hulle Mosweu van die bakkie afgegooi het en sê Mosweu het van die bakkie afgespring. Volgens die mans het hulle Mosweu en nog ʼn kind in hul werkgewer se landerye betrap waar hulle sonneblomme gesteel het. Hulle het glo vir die seuns gesê om op hul bakkie te klim om hulle na die polisiestasie te kan neem. Een seun het weggehardloop en Mosweu het agterop die bakkie geklim.

Pieter Doorewaard en Phillip Schutte in die Coligny-landdroshof (26 Junie 2017). Foto: ANA

Die seun se dood het tot gewelddadige betogings in Coligny gelei, wat nog verder vererger het nadat die twee mans op borgtog vrygelaat is. Tydens die onrus is huise aan die brand gesteek, winkels geplunder en paaie versper.

ʼn Ooggetuie het aan die polisie gesê hy het gesien hoe Mosweu van die bakkie afgegooi is. Hy is op pad hospitaal toe aan nekbeserings dood.

Doorewaard en Schutte het vroeër borgtog van R5 000 elk gekry en sal weer op 7 Augustus in die hof verskyn.

Die huis wat nou vir Mosweu se familie gebou word, sal glo ʼn simbool van genesing vir Coligny wees. Buthelezi het gesê inwoners is stadig besig om mekaar te vind. “Hierdie geval was ʼn geïsoleerde een – die wit gemeenskap van hierdie dorp is nie sleg nie – hulle het lankal getoon dat hulle nie probleme met swart inwoners het nie,” het Buthelezi gesê.

Samuel Mosweu (24), Jonas se ouer broer, het gesê die huis sal hom aan sy broer herinner en hul familie saambring. “Ek het nooit gedink die regering sal ons so bystaan nie,” het Samuel gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

44 Kommentare

jongste oudste gewildste
Pieter

Wat van die onskuldige mense wie se huise afgebrand is deur julle mense. PAPETISES MUNISIPALITEIT. RASSISTIES

Petro

En wat van al die ander mense wat se huise afgebrand het hulle het niks met die kind se dood te doen gehad Zuma kruip weer vir stemme

willie

Gaan die onskuldige dorpenaars wie se huise en vragmotors afgebrand is ook vergoed word?

Sakkie

Ag asseblief.Wat van al die vermoorde boere? Wat kry hulle families?

Danie

Gaan hulle die voorraad van die besighede wat geplunder was vervang en die geboue wat gebrand en beskadig ook oorbou en regmaak ?. NEE dit is mos blankes se eiendom en hulle moet self sien kom klaar