Regering kan nie misdaad alleen bekamp, sê Bathabile Dlamini

Bathabile Dlamini. Foto: Flickr/GovernmentZA

Bathabile Dlamini, minister van maatskaplike ontwikkeling, het Donderdag ʼn anti-dwelm- en alkoholmisbruikveldtog in Kaapstad van stapel gestuur.

Dlamini het gesê die veldtog is begin omdat die regering nié alleen misdaad kan bekamp nie.

Sy het verder gesê dwelm- en alkoholmisbruik kos die regering jaarliks sowat R38 miljard rand. Dié veldtog het juis daarom ten doel om ʼn dwelm-, misdaad- en alkoholvrye samelewing te bevorder.

Dlamini het komberse, groente en skoolbenodighede aan kinders uitgedeel wat geskenk is deur die Suid-Afrikaanse agentskap vir maatskaplike sekerheid (Sassa).

Sy het gesê dwelm- en alkoholmisbruik het ʼn negatiewe invloed op die jeug.

“Ons moet saamstaan in die geveg teen misdaad. Hier in julle gemeenskappe laat julle tans toe dat mense alkohol verkoop van die oggend tot die volgende dag,” het sy laat hoor. “[Die jeug] wil nie graad 12 klaar maak nie, [hulle] wil nie dinge op die regte manier doen nie en dan hou hulle hul besig met dinge wat nie ʼn toekoms bied nie.”

Sy het ook volwassenes veroordeel wat kinders gebruik om vir hulle alkohol te koop, veral in die verarmde gemeenskappe. Sy het gesê gemeenskappe moet dié dinge begin veroordeel.

“Dit is totaal onaanvaarbaar. ʼn 18-jarige kind en jonger mag nie toegelaat word om alkohol te koop nie. Jy [die ouers] dink jy stuur hulle bloot om alkohol vir jou te koop, maar jy leer hulle van alkohol,” het sy gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

25 Kommentare

jongste oudste gewildste
Jannie

Dis dan die flippen regering wat die grootste misdade pleeg……hulle is die voorbokke

Robert

Lyk my die regering kan BAIE goeie goed nie alleen doen nie! Snaaks hoe hulle korrupsie, swak dienslewering, Nepotisme, vernietiging van werksgeleenthede en vele meer, alleen so goed reg kan kry.

hendrik

Sy kan SASSA nie hanteer nie maar bemoei haar met misdaad. Ou girl, los dit vir die polisie.

Dereck Le Roux

Seg onse minister botteltjie onder die arm papsak Batibele Dlamini.

kat

O my genade wat het ons hier!!!
Met alles onsuksesvol.