Regering kry nie duur AstraZeneca-entstof verkoop

(Foto: JUSTIN TALLIS/ AFP)

Die VF Plus dring daarop aan dat die minister van gesondheid, dr. Zweli Mkhize, met Suid-Afrikaners oop kaarte speel oor die verkoop van die een miljoen dosisse AstraZeneca-entstof wat die regering in Januarie aangekoop het.

Dit kom ná mediaberigte dat Suid-Afrika steeds nie dié entstof, waarvoor hy miljoene rande opgedok het, verkoop het nie. Die entstof verval reeds in April.

“Hy moet sê waarom dit nog nie aan die Afrika-Unie (AU) verkoop is nie en waarom die parlement en die publiek nie ingelig is oor ʼn vrywaringsklousule in die ooreenkoms tussen Suid-Afrika en die Serum-Instituut van Indië nie,” sê Philip van Staden, die VF Plus se woordvoerder van gesondheid. Dit is dié klousule, sê Van Staden, wat die proses om die entstof aan die AU te verkoop, vertraag.

Maroela Media het in Februarie berig dat die R120 miljoen se dosisse AstraZeneca waarmee die regering sy entstofplan sou afskop, nie effektief is teen die Suid-Afrikaanse variant van Covid-19 nie. Dié dosisse verval boonop aan die einde van April. Die regering het egter onderneem dat die geld wat gebruik is om die entstof mee aan te koop, nie vermors was nie, aangesien hy dit sal kan verkoop aan lande waar dié entstof wel doeltreffend sou wees.

“Die minister moet die inhoud van hierdie vrywaringsklousule openbaar maak en sê wat Suid-Afrika met die entstof gaan doen indien dit nie aan die AU verkoop kan word nie,” sê Van Staden.

Daar moet ook duidelikheid verskaf word oor waarom daar, luidens berigte, deur die Wêreldgesondheidsorganisasie se Covax-program tussen nou en Mei 2021 nog ʼn verdere 2,4 miljoen dosisse van AstraZeneca aan Suid-Afrika gelewer gaan word. Dit terwyl dit bekend is dat die entstof nie geskik is teen die huidige, plaaslike variant van die virus nie.

Verskeie lande het intussen die toedien van die AstraZeneca-entstof gestaak nadat dit aan die lig gekom het dat dié entstof moontlik bloedklonte veroorsaak.

Altesaam 128 000 gesondheidsorgwerkers is reeds teen Woensdag teen Covid-19 ingeënt. Die regering wou aanvanklik teen einde Maart 1,1 miljoen mense ingeënt het. “Die VF Plus het reeds by herhaling gesê dat die regering nie die teiken gaan haal nie en dat teikens gestel word wat nie haalbaar is nie.

“Met hierdie optrede maak die regering ʼn bespotting van homself in die oë van die wêreld.”

Van Staden sê die regering moet ophou om in ʼn staat van ontkenning te verkeer en sal vinnig moet wakker skrik om te voorkom dat die huidige proewe en aankope nie ook rampspoedig eindig nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

36 Kommentare

jongste oudste gewildste
Pieter

Al die Covid-19 entstowwe het bywerkinge. Israel is die proeflaboratorium van Pfizer. In Israel waar meer as 50% van die mense al geënt is neem Covid-19 getalle toe. Hierdie entstof wikkel met jou DNS.

Persheks Adri

R120 miljoen gemors vir entstof wat amper verval en nou hoor ons boonop dit veroorsaak bloedklonte gggmmmfff. Patesiese beplanning van die klomp narre wat in elk geval NIKS kan beplan nie pffft. Wonder wat se verskoning hulle nou gaan uit dink mmmmm.

Adriana

Ja nee so mors hul geld, miljarde weer in die water gegooi. Geen wonder ons land is bankrot, sal nooit regkom met hul aan die stuur.

Nie Verbaas

Hou nou mooi dop hoe daar weereens onbevoegde besluit geneem is oor entstof en niks gaan gebeur nie want die kader beskerming kry voorkeur. Groot ophef in media gemaak oor eerste entstof wat geland het en nou kruip ANC weg nadat hulle weereens hulle naam krater gemaak het vir die hele wereld om te sien.

Adriaan

In ander nuus “Denmark, Italy, Norway and 6 other countries suspend use of AstraZeneca vaccine after reports of blood clots”