Regering maak statistiek oor plaasaanvalle bekend

plaashek-pexels

Foto: Pexels

Die VF Plus het die besluit van die minister van polisie, Bheki Cele, en die polisiekommissaris, genl. Khehla Sithole, verwelkom om ná elf jaar se swye oor plaasaanvalle en -moorde, weer statistiek hieroor bekend te maak.

Die laaste keer dat statistiek hieroor uitgereik is, was in 2007.

Pieter Groenewald, leier van die VF Plus, het gesê sy party het nogtans deurgaans in parlementêre vrae statistiek oor die aangeleentheid aangevra, en dit is nou eindelik weer beantwoord.

Die vraag was in wese oor die aantal aanvalle en moorde in elke provinsie sedert 2012. Uit die antwoord blyk dit dat aanvalle in die laaste finansiële jaar (2017/18) toegeneem het (561 aanvalle) nadat daar in die vorige drie jare ʼn afname was.

Uit die syfers blyk dit dat daar in die ses boekjare sedert 2012 altesame 3 059 aanvalle was (gemiddeld 509,8 per jaar) waarin 338 mense dood is (gemiddeld 56,3 per jaar).

Wat die provinsies betref was die meeste aanvalle in die tydperk in Noordwes met 722 aanvalle en dan Gauteng met 644 aanvalle. Die meeste moorde in hierdie tydperk was egter in Gauteng met 69 moorde en Noordwes en KwaZulu-Natal elk met 61 moorde.

“Indien die syfers vergelyk word met ander beskikbare bronne, blyk dit redelik betroubaar,” het Groenewald bygevoeg. “Dit is jammer dat daar onder die administrasie van oud-president Jacob Zuma ʼn sluier hieroor getrek is. Sonder die nodige statistiek oor misdaad tas ʼn mens in die donker rond en kan daar beswaarlik sinvolle optrede en voorkomende maatreëls getref word.”

Groenewald het gesê die VF Plus sal intussen voortgaan met sy deurlopende aksieplan om die internasionale gemeenskap oor vergrype en veral die wreedheid van die moorde in Suid-Afrika in te lig deur aktief te skakel met onder meer die Europese parlement en regerings, die Verenigde Nasies (VN) en deur die VF Plus se lidmaatskap van UNPO.

In dié verband sal statistiek wat die regering self bekend maak oor ʼn aangeleentheid soos plaasaanvalle en -moorde, veel meer gewig dra as dié van ander instansies.

Lees alle berigte oor plaasaanvalle op Maroela Media.

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

58 Kommentare

jongste oudste gewildste
LouE

Ek is verlig dat dit nie toeneem nie, maar een is een te veel. Snaaks dat hulle dit per FINANSIEELE jaar bekend maak. Amper soos ‘n budget of ‘n target?

chrisjan

Moenie vergeet om die ‘huisrowe’ ook by te tel nie.

Hansie slim

Dis geen nuus dat Noordwes bo aan die lys is nie. Dis mos die EFF sterk area en dis mos wat van die opdrifsels verwag kan word.
Hopelik sien die wêreld nou meer formeel die erkenning van die feite. Gaan iemand iets doen, wel ons sal maar sien?

Nel

Moenie die plaasmoorde/aanvalle tussen die ander statistiek wegsteek nie. Plaas dit apart sodat die wêreld kan sien wat regtig besig is om hier te gebeur.

Anton

Nou wil ek weet hoekom daar nie n aksieplan om die aanvalle te beveg geformuleer was nie? Hulle het dan die statistiek gehad? Nee ek se hul het hul doelwit bereik. Hoef nou nie meer mense van hul plase af te moor nie hulle kan dit eersdaags afvat in helder daglig sonder vergoeding.
Tyd vir die ploegskare om weer na swaarde gesmee te word.