“Platinumprodusente neem kennis dat die gesprekke wat deur die minister van minerale bronne gefasiliteer is ongelukkig ontbind is sonder ‘n uitkoms,” het hulle in ‘n gesamentlike verklaring gesê. “Terwyl die produsente verbind bly tot ‘n onderhandelde skikking, sal hulle nou verdere opsies tot hulle beskikking oorweeg.”
Minister Ngoako Ramatlhodi het verlede week die taakspan op die been gebring in ‘n poging om die vier maande lange staking tot ‘n einde te bring. Ramatlhodi sal Dinsdagoggend ‘n mediakonferensie hou oor die regering-taakspan se onttrekking uit die platinumdispuut.
Mynmaatskappye sal ook na verwagting Dinsdagoggend aankondigings maak oor die moontlike sluiting van skagte.
Lede van Amcu staak sedert 23 Januarie en dring aan op ‘n basiese maandelikse salaris van R12 500.
Mynmaatskappye het reeds meer as R21,7 miljard in inkomste verloor terwyl werknemers meer as R9,6 miljard in inkomste verloor het weens die staking.
Is dit die regering se bydrae tot ‘n situasie wat sy eie ekonomie knou? Hierdie een insident is klink klare bewys presies hoe bevoeg die regering is. Hul redenasie van: ignoreer die probleem tot hy weggaan, word duidelik bewys. Pateties verby!