Regering waarsku teen fopnuus oor buitelanders

Foto ter illustrasie.

Drie mense is reeds in hegtenis geneem oor die aanhitsing van xenofobiese geweld teen buitelanders in KwaZulu-Natal en Limpopo, met die regering wat gewaarsku het dat fopnuus gebruik word om Suid-Afrikaners teen mekaar op te stel en vreemdelingehaat aan te wakker.

Die kabinet het ‘n verklaring uitgereik waarin die xenofobiese aanvalle betreur en veroordeel is, asook die rol van sosiale media in die verergering daarvan.

In ‘n teken dat daar wel ‘n mate van politieke wil is om die kwessie te takel is die veiligheidsportefeuljes van die kabinet getaak om daarteen op te tree, met drie mense wat tot dusver vir aanhitsing in hegtenis geneem is. Die kabinet het veral gewaarsku teen vals berigte, vals foto’s en vals video’s wat voorgee om onwettige optrede deur buitelanders te dokumenteer. ‘n Voorbeeld is fopnuus oor buitelanders wat Suid-Afrikaanse vragmotors in Limpopo glo aan die brand steek.

Die kabinet het ook verwys na die huidige ondersoek in die VSA na die wyse waarop sosiale media gebruik word om binnelands (in daardie geval die VSA) onmin te saai in die aanloop tot verkiesings. In Suid-Afrika se geval het die kabinet gesê hoewel vryheid van spraak gerespekteer word, kan dit nie ongrondwetlik wees of op leuens berus nie.

Die kabinet het ook gesê Suid-Afrika bly op elke vlak tot Afrika verbind, en landsburgers moet wetsgehoorsaam optree.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

8 Kommentare

jongste oudste gewildste
Trol

Bha ha ha ha ha ha ha! Goeie grappie.

Koos de Meyer.

Julia’s het dan gesê hulle is ‘n vredeliewende nasie, hoe nou.

J

Het juis net nou een gekyk hoe hul n ou dood gooi met n klip en 2×4’s

Schalk

Nie fopnuus ondersoek self een derde van swart woongebied op Worcester is Zimbabwers maak aanspraak op water elektrisiteit riool en huise.WAARHEID nie fopnuus.Maroela kom ondersoek self.

Nick

Ag sê vir die kabinet hulle moet voetsek!! Ek sal alle slegte nuus van hulle oorsee stuur sodat almal sien met watter gemors ons sit!!!