Regering wil ventilators aan Indië skenk

(Foto: ANI)

Die kabinet het Woensdag aangekondig dat die regering binnekort ventilators na Indië gaan stuur om dié land by te staan te midde van ʼn dodelike Covid-19-krisis, wat reeds die lewe van 258 351 mense geëis het. Dít terwyl Suid-Afrika self op die rand van ʼn derde virusgolf is en daar kommer heers dat hospitale dalk nie genoeg ventilators sal hê om pasiënte plaaslik te behandel nie.

Luidens ʼn verklaring van die kabinet het die regering tydens die kabinetsvergadering aangedui dat hy ventilators aan Indië wil skenk in sy poging om die virus wêreldwyd te help beveg.

Barend Uys, AfriForum se hoof van navorsing, sê hoewel dit die eerbare ding is om Indië in sy uur van nood te help, moet die Suid-Afrikaanse regering nie sy eie mense aan hul eie genade oorlaat nie.

“In dié stadium het ons genoeg ventilators en is daar nou ekstra kapasiteit om ventilators aan Indië te kan stuur. Die vraag ontstaan egter of die regering die vermoë het om die ventilators betyds terug te kry as die derde vlaag van infeksies Suid-Afrika tref,” meen Uys.

Verskeie provinsies het reeds aangedui dat hulle ʼn derde vlaag beleef.

Philip van Staden, VF Plus-LP en hoofwoordvoerder oor gesondheid, sê daar is tans ook nie duidelikheid oor hoeveel ventilators die gesondheidstelsel tot sy beskikking het nie, aangesien die laaste syfers in Junie verlede jaar bekendgemaak is.

Uys sê die vraag ontstaan ook of die regering die besluit geneem het met eerlike bedoelings en of daar ʼn politieke agenda agter die besluit skuil. “Ons weet nie of die regering dit dalk doen om die aandag van sy eie gesondheidstelsel se tekortkominge af te trek nie. Van dié tekortkominge sluit in ons gesondheidstelsel se infrastruktuurprobleme en baie beperkte entstofprogram.”

Uys sê die regering moet eerder daarop fokus om ʼn program vir vroeë behandeling van Covid-19 te ontwikkel, waar mense vroeg genoeg tuisbehandeling kan ontvang om hulle sodoende uit die hospitaal te hou.

Die kabinet sê verder hy is ook bewus van die kommer wat onder Suid-Afrikaners ontstaan het oor die nuwe Covid-19-variant wat uit Indië afkomstig is en die verspreiding daarvan na Suid-Afrika.

“Die departement van gesondheid en ons wetenskaplikes sal die ontwikkeling van dié variant fyn dophou en die nodige voorkomingsmaatreëls en -protokol instel om Suid-Afrikaners te beskerm,” lui die verklaring.

Entstofprogram

Verder het die kabinet aangekondig dat Fase 2 van die entstofprogram Maandag sal afskop, waartydens mense ouer as 60 jaar ingeënt kan word.

Die aanvang van Fase 2 sal gelyktydig plaasvind met die voortgesette inenting van gesondheidswerkers. Net sowat ʼn derde van gesondheidswerkers is reeds ingeënt.

Van Staden sê die mate waartoe lede van die publiek hul vertroue oor inenting deur die staat verloor het, word getoon deur die feit dat slegs 840 000 uit sowat 5 miljoen mense wat ouer as 60 jaar is vir inentings geregistreer het.

Hy sê ook die regering se doelwit om 40 miljoen Suid-Afrikaners teen die einde van die jaar of vroeg aanstaande jaar in te ent, is ʼn illusie.

“Daar is nou eers 430 000 uit 1,5 miljoen gesondheidswerkers ingeënt. Tog beloof die regering om almal binne twee weke te ent. Dit sal nie gebeur nie en dit is gevaarlik en onverantwoordelik om beloftes te maak wat nie nagekom kan word nie,” sê Van Staden.

Die kabinet het tydens die vergadering ook besluit om die nasionale ramptoestand met een maand tot 15 Junie 2021 te verleng.

Die departement doen ʼn beroep op mense ouer as 60 jaar om nou aanlyn vir die entstof te registreer. Klik hier om te registreer.

Deel van: SA-nuus

Koronanuusbrief

Wil jy op hoogte bly van alle nuus oor Covid-19 op Maroela Media? Teken in op die nuusbrief.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

24 Kommentare

jongste oudste gewildste
Persheks Adri

Cyril gaan vergadering hou met ons sug sug sug… Nee Cyril ons het self nie genoeg van alles nie, maar gee ons belasting geld weg met die ventilators. Redenasie vermoë darem…

annie

Indiè het ‘n bevolking van 1,3 miljard mense en ons is sowat 70 miljoen. In verhouding is die groot getal mense wat daar sterf dalk nie erger as hier nie. Indiè ag higiène nie van belang nie. Rotte eet saam uit die kosborde. Ons regering het ‘n ewige behoefte om Indiè te plesier, Gee Indiè regtig om vir ons?

Petrie

Gee sommer al die goed vir Indië, ons geld, ystererts en ander minirale is lankal deur die anc vir hulle weggegee.

marius

Julle kan nie eers water voorsien aan jul eie mense nie ! Hoe tiperend van mense wat teer op ander se inkomste om hul eie belange te streel nie . Gemors!!!

Tanniepetoors

Wat gaan in ons regering se koppe aan? Hul kan nie die RSA se gesondheidstelsel behoorlik bestuur nie, nou wil hul Indië help. Charity begins at home!
Amper het ek iets baie beledigends kwytgeraak. My Duitse skoondogter gebruik die woord as sy nou regtig.min of niks van iemand dink nie. Het te doen met visse en koppe.