ʼn Hoofdirekteur van die departement van onderwys in Noordwes het Dinsdag in die landdroshof in Delareyville verskyn op aanklagte van veediefstal. Dié regeringsbeampte, Gift Ramadie (50), het saam met sy skaapwagter, Goitsemodimo Modukanele (38), in die beskuldigdebank gestaan.
Henry Mamothame, woordvoerder van die Nasionale Vervolgingsgesag (NVG) in Noordwes, sê die hof het die twee se aansoek om borgtog goedgekeur. Ramadie en Modukanele is op borgtog van onderskeidelik R29 000 en R1 000 vrygelaat.
“Hulle sal na verwagting weer op 6 April in die hof verskyn,” sê Mamothame.
Die twee is op 19 Februarie in hegtenis geneem nadat omtrent 100 gesteelde beeste en kalwers in hul besit gevind is. Van die beeste wat gesteel is, sluit in ʼn stoetbul ter waarde van R120 000 en ses Bonsmara-stoetbeeste ter waarde van R189 000.
“Altesaam 11 van die beeste wat teruggekry is, is deur die eienaar as sy vee geïdentifiseer. Die polisie het op die res van die beeste beslag gelê vir verdere ondersoek aangesien daar met hul brandmerke gepeuter is.”
Nou waar is die rooi berets nou?
Vanaf die oosgrens………
Ek wonder of chip inplanting vir stoet beeste dalk ‘n beter opsie is as om diere te brandmerk. Jou beeste sal beter voorkom met minder letsels.
En so maak ouer people nes hulle wil want hulle weet die regstelsel is n grap.
wonder hoe het die hof die R 29000 borgtog bepaal
Asof die Hoofdirekteur nie alreeds n buitengewone hoe salaris verdien nie.
En gaan seker op betaalde verlof geplaas word tot na hofsaak.