Regeringshulp sal nie SAL help nie, sê Trevor Manuel

Trevor Manuel Foto: ANA

Die voormalige minister van finansies, Trevor Manuel, het Dinsdag gesê finansiële hulp van die regering sal nie die land se nasionale lugredery uit sy probleme help nie, en hou vol SAL moet erns maak met sy bestuur.

Dit volg nadat die regering Vrydag ʼn oordrag van R3 miljard goedgekeur het uit die Nasionale Inkomstefonds om SAL te help om aan sy finansiële verpligtinge aan Citibank te voldoen.

SAL moet terugbetalings aan Citibank doen vir ʼn lening van R6,8 miljard. Citibank het geëis dat ʼn bedrag van R1,8 miljard teen die einde van September oorbetaal moet word. SAL kan moontlik ook nie salarisse betaal nie, weens ʼn erge finansiële verknorsing.

Die res van die regering se fondse, R1,2 miljard, sal aan SAL gegee word vir bedryfskapitaal.

“Ek dink nie dit is ʼn geldmatriks nie. Ek dink mens moet ander goed doen. Ek is seker daar is ander verwagte koste in die SAL se jaarverslag, soos hul ontvanklikheid vir prysskommeling van brandstof. Tensy mens die betrokke kwessies aanroer en seker maak dat besluite doeltreffend geneem word, kan ek nie sien dat dit kan werk nie,” het Manuel gesê.

“Daar is groot besluite oor bestuur wat nie opgelos gaan word as mens net geld op die probleem gaan gooi nie. Miskien is die SAL se grootste probleem sy kostestruktuur. Daar is te veel werknemers en die salarisskale is buite die bedryfsnorm. Tensy hulle dit hanteer, gaan niks anders werk nie.”

Manuel het ook gesê die regering moet openhartig wees oor die toekoms van die SAL en het bygevoeg besluite oor die lugredery sloer al te lank.

“Wanneer ʼn voorsitter van die raad ses agtereenvolgende vergaderings mis, maar steeds ʼn voorsitter bly, is daar iets snaaks aan die gang. As die kwessies nie op ʼn normale wyse hanteer word nie, gaan dit nie oor die verkope van die lugredery nie.”

Manuel, nou die voorsitter van Old Mutual, het die uitlatings gemaak by die Deloitte Risikokonferensie 2017 in Johannesburg.

Hy wou nie kommentaar lewer oor KPMG nie, aangesien hy ʼn dagvaarding ontvang het en die saak dus sub judice is.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

20 Kommentare

jongste oudste gewildste
Johanna Botha

Hy is reg want vandat ek kan onthou deel die staat geld uit aan die verlamende saa

Hanna

Om SAL aanhoudend uit te help, laat nie die probleem “weggaan” nie.
Hou op pleisters op die vrot seer plak.
Maak die wond oop en krap al die gemors uit.
Politieke aanstellings veroorsaak GROOT problems vir ons ekonomie.

Jacques venter

Google gerus ” Pamerred SAA pilots.
My bek het oopgehang

Frikkie (Nie pienk)

Trevor is beslis reg. Daar is te veel personeellede en hul salarisse is te hoog. SAL het byvoorbeeld 942 personeellede vir elke vliegtuig in bedryf, terwyl die wêreldgemiddelde 140 personeellede is. Dan word hul heel waarskynlik gedwing deur Dudu om hul brandstof deur een of ander vriend/familielid van No 1 aan te koop, in plaas van direk by ‘n brandstof groothandelaar.

Boet Fasie

Dit is maar alles die gevolg van regstellende aksie wat nou “backfire” Gedink die soustrein is lekker , maar nou het hulle by die stasie gekom waar die geld vir salarisse begin opdroog. Volgende stap is personeel vermindering en trek van staatstoelaag.